Last updated on February 8th, 2023 at 11:36 am
ಪಾಂಗಾಳೊಡು ನಡತಿನ ಶರತ್ ಶೆಟ್ಟಿನ ಕೆರ್ಪಾಟಿಕೆದ ವಿಷಯೊಡು ಪೋಲೀಸೆರ್ ತನಿಖೆದ ಬೀಸ ಬರಸ್ ಮಲ್ತೊಂದುಲ್ಲೆರ್. ಪೋಲೀಸೆರೆಗ್ ಮಲ್ಲ ಸುಳಿವು ತಿಕ್ಕುದ್ಂಡ್. ಕೆರ್ತಿನ ಆರೋಪಿಲು ಪಾಂಗಾಳ ಆಲಡೆ ತಾದಿದಂಚಿ ಪೋತಿನ ತೆರಿದ್ ಬೈದ್ಂಡ್. ನಡಕೆ ನಡತಿಬೊಕ್ಕ ಅಂಚಿ ಮೂಜಿ ಜನ ಕತ್ತಿ ಪತೊಂದು ಬೈಕ್‌ಡ್ ಒರಿ ನಡತೊಂದು ಪೋತಿನ ಸೂಕೆ ಸಿಸಿಟಿವಿಡ್ ಉಂಡು.
ನಾಯಿಲೆ ಪಡೆಲಾ ಪಾಂಗಾಳ ಆಲಡೆ ತಾದಿದಂಚಿ ಪೋದು ಪಿರ ಬೈದ್ಂಡ್. ಅಂಚಾದ್ ಈ ನಡಕೆಡ್ ನಾಲ್ ಜನ ಪಾಲ್ ಪಡೆಯೊಂದಿನ ಸಂಶಯ ಪೋಲೀಸೆರೆಗ್ ಉಂಡು. ಜಾಗೆದ ಬೇರ, ಕಾಂಟ್ರಾಕ್ಟರ್ ಬೇಲೆ ಮಲ್ತೊಂದಿತ್ತಿನ ಶರತ್ ಶೆಟ್ಟಿ ಮೆರೆನ್ ಗುರ್ತದಕುಲು ಪಾಂಗಾಳ ಜನಾರ್ದನ ದೇಲಂತಡೆತಲ್ಪದ ಕಾಂಪ್ಲೆಕ್ಸ್ ಗ್ ಪಾತೆರಕತೆ ಮಲ್ಪರೆ ಲೆತ್ತಿತ್ತೆರ್. ಪಾತೆರಕತೆ ಮಲ್ತೊಂದಿತ್ತಿಲೆಕ್ಕನೇ ಪರ್ತೆದ ಕೈದ್‌ಲೆಡ್ ತಜೆತ್ ಬಲ್ದಿತ್ತೆರ್.