Last updated on February 14th, 2023 at 09:58 am
ಕುಡ್ಲ: ಯಾನ್ ಬಿಜೆಪಿದಕಲೆನ ಡೋಂಗಿ ಹಿಂದುತ್ವ, ಭ್ರಷ್ಟಾಚಾರೊಲೆನ ಒಟ್ಟುಗು ಉಂತುದುವೆಂಡ ಇತ್ತೆ ಓಲಾ ಇತ್ತುದುವೆ. ಎನಡ ಬ್ಯಾಂಕ್ ಅಕೌಂಟ್‌ಲಾ ಇಜ್ಜಿ. ಯಾನ್ ಇಪ್ಪುನು ಬಾಡಿಗೆದ ಇಲ್ಲಡ್ ಪಂದ್ ಶ್ರೀರಾಮಸೇನೆದ ನಾಯಕೆ ಪ್ರಮೋದ್ ಮುತಾಲಿಕ್ ಸೋಮಾರ ನಡತಿನ ಸುದ್ದಿಗೋಷ್ಠಿಡ್ ಪಂಡೆರ್.
ಸಚಿವೆ ಸುನಿಲ್ ಕುಮಾರ್ ಕಾರ್ಲಡ್ ವೋಟ್‌ಗ್ ಉಂತುನ ದುಂಬು ಆರೆನ ಆಸ್ತಿ ಏತ್ ಇತ್ತ್ಂಡ್, ಇತ್ತೆ ಏತ್ ಆತ್ಂಡ್ ಪಂದ್ ತೂಂಡ ಆರ್ ಮಲ್ದಿನ ಭ್ರಷ್ಟಾಚಾರ ತೆರಿಯುಂಡು. ಎಂಕ್ ರಾಜಕೀಯ ಮನ್ಪೆರ ಗೊತ್ತುಜ್ಜಿ. ಇತ್ತೆದ ಬಿಜೆಪಿ ಡೋಂಗಿ ಹಿಂದುತ್ವಗ್ ಬಲಿ ಆತ್ಂಡ್ ಪಂದ್ ಪಂಡೆರ್.
ಇತ್ತೆ ಎನ್ನ ಮಿತ್ತ್ 109 ಕೇಸ್‌ಲ್ ಉಲ್ಲ, ಅವೆಟ್ ಎಚ್ಚಿನವು ಬಿಜೆಪಿ ಸರ್ಕಾರ ಮಲ್ದಿನವು. ಯಾನ್ ಬರ್ಪಿ ಎಲೆಕ್ಷನ್‌ಡ್ ಕಾರ್ಲರ್ದ್ ವೋಟ್‌ಗ್ ಉಂತುನ ನಿರ್ಧಾರೊರ್ದ್ ಪಿರ ಜಾರುಜಿ. ಮುಲ್ಪದ ಜನೊಕ್ಲೆನ ಬೆರಿಬಲ ತೂದು ಎಂಕ್ ಗೆಂದುನ ವಿಶ್ವಾಸ ಉಂಡು ಪಂದ್ ಪಂಡೆರ್.