Last updated on February 14th, 2023 at 07:58 pm
105 ವರ್ಸ ಪಿರಾಕ್‌ದ, ಪುದರ್ ಪೋತಿನ ಭದ್ರಾವತಿದ ವಿಶ್ವೇಶ್ವರಯ್ಯ ಕರ್ಬ ಬೊಕ್ಕ ಸ್ಟೀಲ್ ಕಾರ್ಖಾನೆನ್ ನಷ್ಟೊದ ಕಾರಣೊರ್ದಾವರ ಕೇಂದ್ರ ಸರ್ಕಾರ ಮುಚ್ಚಾವೊಂದುಂಡು.
ತನ್ನನೇ ಕರ್ಬದ ಮೈನ್ ಇಜ್ಜಂದಿನೆರ್ದಾವರ, ಗಲಕೆಡಿಜ್ಜಂದಿನ ತಂತ್ರಜ್ಞಾನೊದ ಎಚ್ಚ ಕರ್ಚಿ ಬೊಕ್ಕ ಕಮ್ಮಿ ಉತ್ಪಾದನೆ, ಮಾರ್ಕೆಟ್‌ಡುಪ್ಪುನ ಮಿಶ್ರಲೋಹದ ಸ್ಟೀಲ್ ಇಂಚ ಬೇತೆ ಬೇತೆ ಕಾರಣೊಲೆರ್ದಾವರ ವಿಶ್ವೇಶ್ವರಯ್ಯ ಕರ್ಬ ಬೊಕ್ಕ ಸ್ಟೀಲ್ ಕಾರ್ಖಾನೆ(VISL) ನ್ ಮುಚ್ಚೊಂದುಲ್ಲ ಪಂದ್ ಕೇಂದ್ರ ಸ್ಟೀಲ್ ಸಚಿವೆ ಜ್ಯೋತಿರಾದಿತ್ಯ ಸಿಂದಿಯಾ ಸೋಮವಾರ ರಾಜ್ಯಸಭೆಟ್ ಪಂಡೆರ್.
ಸ್ಟೀಲ್ ಅಥಾರಿಟಿ ಆಫ್ ಇಂಡಿಯಾ ತನ್ನ ಘಟಕೊಲೆನ್ ಮುಚ್ಚೊಂದುಂಡಾ ಪಂದ್ ರಾಜ್ಯಸಭಾ ಪದುಕೆ. ಸಂಜಯ್ ಸಿಂಗ್ ಕೇಂಡಿನ ಕೇನ್ಪುಗು ಸದು ಕೊರ್ನ ಸಿಂದಿಯಾ, ಕೇಂದ್ರ ಸರ್ಕಾರೊದ ನಿರ್ಧಾರೊದ ಲೆಕ VISL ನ್ ಮಾತ್ರ ಸ್ಟೀಲ್ ಅಥಾರಿಟಿ ಆಫ್ ಇಂಡಿಯಾ ಮುಚ್ಚೊಂದುಂಡು ಪಂದ್ ಪಂಡೆರ್.
2016 ಟೇ ಕಾರ್ಖಾನೆನ್ ಮಾರ್ಯೆರ ಅಟ್ಟನೆ ಆದಿತ್ತ್ಂಡ್, 2019 ಡ್ ಬಿಡ್ ಲೆತ್ತಾಂಡಲಾ ಕಾರ್ಖಾನೆ ಗೆತೊನೆರ ಏರ್ಲಾ ಎದ್‌ರ್ ಬತ್ತಿಜ್ಜಂಡ್.