Last updated on February 21st, 2023 at 04:38 pm
ಉಬಾರ್: ಎಂಕುಲು ಆಶ್ರಮೊಗು ಕಾಸ್, ಪರ ಕುಂಟುಲೆನ್ ಒಟ್ಟುಮಲ್ತೊಂದುಲ್ಲ ಪಂದ್ ಕಲು ಐಡಿ ತೋಜಾದ್ ನಟ್ಟೊಂದಿಪ್ಪುನ ಕೂಟ ಒಂಜಿ ಉಬಾರ್‌ಡ್ ಉಂಡು. ಆಂಡ ಇಂಚಿಪ್ಪೊಗು ಮೊಕುಲು ಕೊೖಲದ ಒಂಜಿ ಇಲ್ಲಗ್ ನಟ್ಟೆರ ಬನ್ನಗ ಮೊಕಲೆನ ರಂಗ್ ಮಗ್‌ರ್ದ್ಂಡ್.
ಸಾಮಾಜಿಕ ಕಾರ್ಯಕರ್ತೆ ಪ್ರದೀಪ್ ಕೊೖಲ ಮೆರೆನ ಇಲ್ಲಗ್ ಸೋಮಾರೊದಾನಿ ಬತ್ತಿನ ರಡ್ಡ್ ಜನ ಪೊಂಜೋವುಲು, “ಎಂಕ್ಲು ಮೈಸೂರ್‌ದ ಇಳವಾಲೊದ ಕೈ‌ಕಾರ್ ಬರಂದಿನಕ್ಲೆನ, ಪರಬೆರೆನ ಆಶ್ರಮೊದ ಕಡೆರ್ದ್ ಬೈದ, ಎಂಕ್ಲೆಗ್ ಕುಂಟು-ಕಾಸ್‌ದ ಸಕಾಯ ಮನ್ಪುಲೆ” ಪಂದ್ ಕೇಂಡೊಂದೆರ್. ಸಂಶಯೊಡು ಪ್ರದೀಪೆರ್ ಅಕ್ಲೆನ ಐಡಿ ಕಾರ್ಡ್ ಕೇಂಡಿನಪಗ ಸಮ ಸದು ಕೊರಂದೆ, ಆಶ್ರಮೊದ ಗುರ್ಕಾರ್ಲು ಕೊರ್ತಿನ ಓಲೆ ಪಂದ್ ಒಔಜಿ ಕಾಕಜಿ ತೋಜಾದೆರ್. ಅವೆಟಿತ್ತಿನ ನಂಬರ್‌ಗ್ ಕಾಲ್ ಮಲ್ಪುನಗ ಪಾತೆರ್ನ ಆಶ್ರಮೊದ ಗುರ್ಕಾರ್ಲು ಎಸ್. ಕೆ. ರಮೇಶ್, ಎಂಕ್ಲು ಆಶ್ರಮೊದ ಪುದರ್ ಡ್ ಕಾಸ್ ಕುಂಟು ಕೇನರ ಏರೆಡಲಾ ಪನ್ತಿಜ, ಎಂಕ್ಲೆಗ್ಲಾ ಅಕಲೆಗ್ಲಾ ದಾಲಾ ಸಂಬಂಧ ಇಜ್ಜಿ ಪಂದ್ ಪಂಡಿನೇ ಈ ಪೊಂಜೋವುಲು ಪದ್ರಾಡಾತೆರ್.
ಜನೊಕುಲು ಇಂಚಿನಕಲೆರ್ದ್ ಮಂಗೆ ಆವರೆ ಬಲ್ಲಿ, ಅಕ್ಲಕ್ಲೆನ ಜಾಗ್‌ರ್ತೆಡ್ ಬೋಡು. ಪೋಲೀಸೆರ್ ಈ ದಿಟ್ಟಿಡ್ ಕ್ರಮ ಗೆತೊನೊಡು ಪಂದ್ ಸಾಮಾಜಿಕ ಕಾರ್ಯಕರ್ತೆ ಪ್ರದೀಪ್ ಕೊೖಲ ಪಂಡೆರ್.