ಕುಡ್ಲದ ಪೆರಿಯ ಪೋಲೀಸ್ ಅಧಿಕಾರಿ ಒರಿ ರಾತ್ರೆ ಎನನ್ ಲೈಂಗಿಕ ಕ್ರೀಯೆ ಮಲ್ಪರೆ ಲೆತ್ತಿತ್ತೆರ್ : ನ್ಯಾಯಾಧೀಶೆರೆಡ ಪಂಡಿನ ತೃತೀಯ ಲಿಂಗಿ

Last updated on February 22nd, 2023 at 10:12 am

ಅಂಗಾರೆ ಕುಡ್ಲ ಜಿಲ್ಲಾ ಪಂಚಾಯತಿದ ಅಂಗನೊಡು ನಡತಿನ ಲಿಂಗತ್ವ ಅಲ್ಪಸಂಖ್ಯಾತೆರೆನ ಬಗೆತ ಜಾಗೃತಿ ಬೊಕ್ಕ ತೆರಿಪು ಲೇಸ್‌ಡ್ ತೃತೀಯ ಲಿಂಗಿ ಒರ್ತಿ ತನ್ನ ಬೇನೆನ್ ಪಟ್ಟೊಂಡೆರ್. ಕುಡ್ಲದ ಒರಿ ಪೆರಿಯ ಪೋಲೀಸ್ ಅಧಿಕಾರಿ ಎನನ್ ಸೆಕ್ಸ್ ಮಲ್ಪರೆ ರಾತ್ರೆ ಲೆತ್ತಿತ್ತೆರ್. ಪೆರಿಯ ಅಧಿಕಾರಿಯೇ ಇಂಚ ಮಲ್ತ್ಂಡ ಎಂಕುಲು ನನ ಒಯಿಲ್ ಎರೆಗ್ ಕೊರ್ಪಿನಿ ಪನ್ದ್ ನ್ಯಾಯಾಧೀಶೆರ್ಡ ಪಂಡೆರ್.

ಎಂಕಲೆಗ್ಲಾ ಉಂದು ಪೂರ ಮಲ್ಪರೆ ಇಷ್ಟ ಇಜ್ಜಿ. ಒಲಾಂಡಲ ಒಂಜಿ ಬೇಲೆ ದೆಪ್ಪಾದ್ ಕೊರ್ಲೆ ಒವ್ವಾಂಡಲ ಆವು ಎಡ್ಡೆಡ್ ಬದುಕುವ, ಎಂಕ್ಲೆನಾತೆಗೇ ಎಂಕುಲುಪ್ಪುವ ಪನ್ದ್ ಪಂಡೆರ್.

ಉಂದೆಕ್ ಪ್ರತಿಕ್ರಿಯೆ ಕೊರಿನ ಪೆರಿಯ ಸಿವಿಲ್ ನ್ಯಾಯಾಧೀಶೆ ಶೋಭಾ ಬಿ.ಜೆ ಲಿಂಗತ್ವ ಅಲ್ಪಸಂಖ್ಯಾತೆರ್ ಶೋಷಣೆ ಆಂಡ ಮನಿಪಂದೆ ಕುಲ್ಲರೆ ಬಲ್ಲಿ, ದೂರು ಕೊರೊಡು. ನಿಕುಲು ದರ್ಮಾರ್ಥೊಡು ನ್ಯಾಯ ಪಡೆಯೊನರೆ ಜಿಲ್ಲಾ ಕಾನೂನು ಸೇವೆಲೆನ ಪ್ರಾಧಿಕಾರೊಗ್ಲಾ ದೂರು ಕೊರೊಲಿ ಪನ್ದ್ ಪಂಡೆರ್.