Last updated on February 27th, 2023 at 10:30 am
ಕರ್ನಾಟಕದ ಶಿವಮೊಗ್ಗಡ್ ಕಟ್ಟಿನ ವಿಮಾನ ಉಂತಡೆದ ಉದಿಪನ ಇನಿ ನಡಪರೆ ಉಂಡು. ಉಂದೆನ್ ಪ್ರಧಾನಮಂತ್ರಿ ನರೇಂದ್ರ ಮೋದಿ ಉದಿಪನ ಮಲ್ಪರೆ ಉಲ್ಲೆರ್. ಉಂದೆತೊಟ್ಟುಗು ಬ್ತೆ ಬೇತೆ 3,600 ಕೋಟಿ ರೂಪಾಯಿದ ಯೋಜನೆಲೆಗ್ಲಾ ಚಾಲನೆ ಕೊರಿಯರೆ ಉಲ್ಲೆರ್.
ಈ ವಿಮಾನ ಉಂತಡೆಗ್ ರಾಷ್ಟ್ರಕವಿ ಕುವೆಂಪುನ ಪುದರ್ ದೀವರೆಗುಲ್ಲೆರ್. ಯಡಿಯೂರಪ್ಪನ ಪುದರ್ ದೀವೊಡು ಪನ್ದ್ ಬೊಮ್ಮಾಯಿ ಒರ ಪ್ರಸ್ತಾವನೆ ಮಲ್ದಿತ್ತೆರ್ ಉಂದೆಕ್ ನಿರಾಕರಣೆ ಮಲ್ತಿನ ಯಡಿಯೂರಪ್ಪೆರ್, ಎನ್ನ ಪುದರ್ ಬೊಡ್ಚಿ ಕುವೆಂಪುನ ದೀಲೆ ಪನ್ದ್ ಪನ್ದಿತ್ತೆರ್.
ಶಿವಮೊಗ್ಗ ವಿಮಾನ ಉಂತಡನೆನ್ ಕೇಂದ್ರ ಸರಕಾರದ ಉಡಾನ್ ಯೋಜನೆಡ್ ನಿರ್ಮಿತಿದೆರ್. ಉಂದು ಕರ್ನಾಟಕದ ರಡ್ಡನೇ ಮಲ್ಲ ರನ್ ವೇ ಉಪ್ಪುನ ಉಂತಡೆ ಆದುಂಡು. ಉಂದು ಕರ್ನಾಟಕದ 9ನೇ ವಿಮಾನ ಉಂತಡೆ ಆದುಂಡು.