Last updated on February 27th, 2023 at 08:42 am
ಬೊಲ್ತೇರ್‌ದ ಸರಕಾರಿ ಪೆರಿಯ ಪ್ರಾಥಮಿಕ ಶಾಲೆ, ಪಿಲ್ಚಂಡಿಕಲ್ಲ್ ಶಾಲೆಡ್ ಸ್ಮಾರ್ಟ್ ಕ್ಲಾಸ್ ಉದಿಪನ ಆತ್ಂಡ್. ಸ್ಮಾರ್ಟ್ ಕ್ಲಾಸ್‌ಡ್ ಜೋಕುಲು ಪೊಸ ರೀತಿಟ್ ಕಲ್ಪಾಟಿಕೆ ಮಲ್ಪೊಲಿ ಮಾತ್ರ ಅತ್ತಂದೆ ನನಲಾತ್ ಜೋಕುಲು ಸರಕಾರಿ ಶಾಲೆಗ್ ಗೋಡ್ಯುನ ಉಮೇದ್ ಮಲ್ಪುವೆರ್ ಪನ್ಪಿ ನಂಬೊಲಿಗೆಡ್ ಉಂದೆತ ಉದಿಪನ ಆತ್ಂಡ್.
ಎಸ್.ಡಿ.ಎಂ.ಸಿ ಬೊಕ್ಕ ಶಾಲೆದ ಟೀಚರ್‌ನಕುಲು ಪುನೆಪು ಬತ್ತ್ ದಾನಿಲೆನ್ ನಾಡ್‌ದ್ ಉಂದೆನ್ ತನ್ಕುಲೆನ ಶಾಲೆಡ್ ಮಲ್ಪಾದೆರ್. ಎಸ್.ಡಿ.ಎಂ.ಸಿ ಗುರ್ಕಾರೆ ಅಬ್ದುಲ್ ಹಕೀಮ್ ಪಾತೆರ್ದ್ ಶಾಲೆದ 25ನೇ ವರ್ಸೊದ ಲೇಸ್ ಇಂಚಪ್ಪೊಗು ಗೌಜಿಡ್ ನಡತ್ಂಡ್. ಎಂ.ಎಲ್.ಎನ ಸಹಕಾರೊಡು ಶಾಲೆದ ರಿಪೇರಿ ಕಜ್ಜೊಲು ಆಂಡ್ ಅಂಚೆನೆ ಸುಮಾರ್ ಪನವು ದಾನದ ರೂಪೊಡು ಬೈದಿತ್ತ್ಂಡ್. ನನ ದುಂಬಗ್ ದಾದ ಮಲ್ಪುನು ಪನ್ದ್ ಗೆರೆಪುನಗ ಟೀಚರ್‌ನಕುಲು ಸ್ಮಾರ್ಟ್ ಕ್ಲಾಸ್ ರೂಮುದ ಬಗೆಟ್ ತೆರಿಪಾಯೆರ್. ನಮ್ಮ ಹಿತೈಶಿಯಾಯಿನ ಶಶಿಧರ ಶೆಟ್ರ್ 4 ಲಕ್ಷದ 75 ಇಂಚಿದ ಟಿವಿನ್ ಉಂದೆಕಾದ್ ಕೊರಿಯೆರ್. ಸ್ಮಾರ್ಟ್ ಕ್ಲಾಸ್‌ರೂಂದ ಗೋಡೆಲೆಗ್ ಎಡ್ಡೆ ಕಲರ್ ಬೊಕ್ಕ ಚಿತ್ರೊಲೆನ್ ಬುಡ್ಪಾದ. 45 ದಿನೊಟೇ ಕ್ಲಾಸ್ ರೂಂ ಕೆಲಸ ಆತ್ಂಡ್. ಫೆಬ್ರವರಿ 13ಕ್ಕ್ ಉದಿಪನಲಾ ಆತ್ಂಡ್.
ಈ ಶಾಲೆಡ್ 160 ಜನ ಜೋಕುಲುಲೆಲ್ಲೆರ್ ಅಂಚೆನೆ 7 ಟೀಚರ್‌ನಕುಲುಲ್ಲೆರ್.