ಎಲ್ಲೆ ರಾಜ್ಯೊಡು ಸರಕಾರಿ ಬೇಲೆದಕಲೆನ ಮುಷ್ಕರ! ಒವ್ ಪೂರಾ ಬಂದ್ ಉಂಡು ತೆರಿಲೆ

Last updated on February 28th, 2023 at 02:59 pm

7ನೇ ವೇತನಾ ಆಯೋಗ ಬರೊಡು ಪನ್ಪಿನ ಬೇಡಿಕೆ ದೀದ್ ಎಲ್ಲೆರ್ದ್ ಬೊಕ್ಕ ಸರಕಾರಿ ಬೇಲೆದಕುಲು ಅನಿರ್ಧಿಷ್ಟಾವಧಿ ಬಂದ್ ಗ್ ಲೆಪ್ಪು ಕೊರ್ತೆರ್. ಈ ಬಂದ್ ಗ್ ರಾಜ್ಯ ಸರಕಾರಿ ವೈದ್ಯಾಧಿಕಾರಿಲೆನ ಸಂಘ ಬೆರಿಬಲ ಕೊರ್ತುಂಡು. ಎಲ್ಲೆ ಬೆಂಗಳೂರುದ ಮಾತಾ ಸರಕಾರಿ ಆಸ್ಪತ್ರೆಲೆಡ್ ಪಿದಯಿ ರೋಗಿಲೆನ ವಿಭಾಗ ಬಂದ್ ಆಪುಂಡು, ಕಾಲಿ ಎಮರ್ಜೆನ್ಸಿ ಸೇವೆ ಮಾತ್ರ ಉಪ್ಪುಂಡು. ಅಫಘಾತ ಬೊಕ್ಕ ಪೆದ್ದುನಂಚಿನ ಎಮರ್ಜೆನ್ಸಿ ಸೇವೆ ಮಾತ್ರ ಉಪ್ಪುಂಡು.

ಬೆಂಗಳೂರುಡು ಮೂಜಿ ಮಲ್ಲ ಆಸ್ಪತ್ರೆಲು, 105 ಪ್ರಾಥಮಿಕ ಆರೋಗ್ಯ ಕೇಂದ್ರ, 19 ಜಿಲ್ಲಾಸ್ಪತ್ರೆ ಬೊಕ್ಕ ತಾಲೂಕು ಆಸ್ಪತ್ರೆ ಮಾತಾ ಬಂದ್ ಆಪುಂಡು. ಎಂಕ್ಲೆನ ಪೊರುಂಬಾಟ 7ನೇ ವೇತನ ಆಯೋಗ ಬನ್ನಮುಟ್ಟ ನಡಪುಂಡು ಪನ್ದ್ ಸಂಘದಕುಲು ತೆರಿಪಾಯೆರ್.