ಮುತಾಲಿಕ್ ಜೀ, ಇರೆನ ಸ್ಪರ್ಧೆ ಕಾರ್ಲದ, ಹಿಂದುತ್ವದ, ಜನಕ್ಲೆನ ಎಡ್ಡೆಪ್ಪುಗು ಅತ್ತ್, ತನು ಮನ ಧನ ನೋಟುಗಾದ್ : ಸುನೀಲ್ ಕುಮಾರ್

Last updated on February 14th, 2023 at 10:53 am

ಕಾರ್ಲಡ್ ಓಟುದ ಕಲ ಜೋರುಡು ದುನಿಪೊಂದುಂಡು. ಪ್ರಮೋದ್ ಮುತಾಲಿಕ್ ಬೊಕ್ಕ ಸುನೀಲ್ ಕುಮಾರ್ ನಡುಟು ನಿಡ್ಪೊಡು ನಿಡ್ಪ ಪಂತ ಆತ್ಂಡ್. ಪ್ರಮೋದ್ ಮುತಾಲಿಕ್ ಬಿಜೆಪಿದಕಲೆನ ಡೋಂಗಿ ಹಿಂದುತ್ವ, ಭ್ರಷ್ಟೆರ್ ಪನ್ಪಿ ಆರೋಪೊಗು ಪ್ರತಿಕ್ರಿಯೆನ್ ಸುನೀಲ್ ಕೊರಿಯೆರ್.

ಸುನೀಲ್ ಕುಮಾರ್ ಸರಣಿ ಟ್ವೀಟ್ ಮಲ್ತ್, ಮುತಾಲಿಕ್ ಜೀ ಈರ್ ಆಮಿಷೊಗು ಬತ್ತ್ ಕಾರ್ಲಡ್ ಓಟುಗು ಉಂತರೆ ಬೈದರ್ ಪನ್ಪಿ ಅನುಮಾನ ಇತ್ತ್ಂಡ್ ಆಂಡ ಅವ್ ಇತ್ತೆ ನಿಜ ಆತ್ಂಡ್ ಸ್ವಂತ ಬುದ್ದಿಡ್ ಈರ್ ಎನ್ನ ಎದುರು ಓಟುಗು ಉಂತುದಿನಿ ಅತ್ತ್ ಪನ್ದ್ ತೆರಿದ್ಂಡ್. ಇರೆಗ್ ಏರ್ ತನು ಮನ ಧನ ಸಕಾಯ ಮಲ್ಪರೆ ಪಿದಡ್ದೆರಾ ಅಕುಲುಲಾ ಕಾರ್ಲಗ್ ಬತ್ತ್ ಪ್ರಚಾರ ಮಲ್ಪಡ್ ಪನ್ದ್ ಬಯಕುವೆ. ಇರೆನ ಸ್ಪರ್ಧೆದ ಉದ್ದೇಶ “ಓಟು-ನೋಟು” ಹೇಳಿಕೆ ಕೊರ್ದು ತೆರಿಪಾದರ್.

ಒಟ್ಟಾರೆ ಈರೆನ ಸ್ಪರ್ಧೆ ಕಾರ್ಲದ ಎಡ್ಡೆಪ್ಪುಗು ಅತ್ತ್, ಹಿಂದುತ್ವದ ಎಡ್ಡೆಪ್ಪುಗು ಅತ್ತ್, ಜನಕುಲೆನ ಎಡ್ಡೆಪ್ಪುಗುಲಾ ಅತ್ತ್. ಅವ್ ತನು-ಮನ-ಧನ ನೋಟುಗಾದ್ ಪನ್ದ್ ತೆರಿಂಡ್ ಪನ್ದ್ ಟ್ವೀಟ್ ಮಲ್ತ್ ಸದು ಕೊರಿಯೆರ್.