ಒಡಿಪು : ತೃತೀಯ ಲಿಂಗಿಲು ಸ್ವಾವಲಂಬಿ ಬದ್ಕ್‌ಗಾದ್ ಕ್ಯಾಂಟೀನ್ ಸುರು ಮಲ್ತೆರ್

Last updated on February 16th, 2023 at 09:22 am

ಒಡಿಪುಡು ಉಪ್ಪುನ ಬೇತೆ ಜಿಲ್ಲೆಲೆರ್ದ್ ಬೈದಿನ ತೃತೀಯ ಲಿಂಗಿಲು ಸೇರ್ದ್ ರಾತ್ರೆ ವನಸ್ ತೆನಸ್ ಬೋಡಾಯಿನಕಲೆಗಾದ್ ಒಂಜಿ ಕ್ಯಾಂಟೀನ್ ಸುರು ಮಲ್ದೆರ್. ಪೂರ್ವಿ, ವೈಷ್ಣವಿ ಬೊಕ್ಕ ಚಂದನಾ ಪನ್ಪಿನ ತೃತೀಯ ಲಿಂಗಿಲು ಒಡಿಪುಡು ಅಲ್ಪಲ್ಪ ಉಂತುದು ಕಾಸ್ ಕೇನೊಂದಿತ್ತಿನಕುಲು ನನ ಸ್ವಾವಲಂಬಿ ಜೀವನ ಮಲ್ಪೊಡು ಪನ್ದ್ ಈ ನಿರ್ಧಾರೊಗು ಬೈದೆರ್. ಮೊಕುಲು ಒಡಿಪು ಬಸ್ ಸ್ಟಾಂಡ್‌ಡ್ ರಾತ್ರೆ ವನಸ್ ಬೋಡಾಯಿನಕಲೆಗಾದ್ ಒಂಜಿ ಕ್ಯಾಂಟೀನ್ ಮಲ್ದೆರ್. ಮೊಕಲೆನ ಕ್ಯಾಂಟೀನ್ ರಾತ್ರೆ 1 ಗಂಟೆರ್ದ್ ಕಾಂಡೆ 7 ಗಂಟೆ ಮುಟ್ಟ ಉಪ್ಪುಂಡು.

ಮೊಕಲೆನ ಕಜ್ಜೊಗು ಜನಕುಲುಲಾ ಎಡ್ಡೆ ಪ್ರತಿಕ್ರಿಯೆ ಕೊರೊಂದಪಲ್ಲೆರ್ ಪನ್ದ್ ತೆರಿದ್ ಬೈದ್ಂಡ್. ನಮ್ಮ ರಾಜ್ಯೊಡೇ ಸುರುತ ತೃತೀಯ ಲಿಂಗಿ ಎಂಬಿಎ ಗ್ರಾಜುಯೇಟ್ ಆಯಿನ ಸಮೀಕ್ಷಾ ಕುಂದರ್ ಮೊಕಲೆಗ್ ಹೊಟೇಲ್‌ಗ್ ಬೋಡಾಪಿನ ಬಂಡವಾಳ ಪಾಡಿಯೆರ್.