Last updated on February 14th, 2023 at 12:03 pm
ಮುಂಬೈ: ಬಂಟೆರೆ ಸಂಘೊದ 35ನೇ ವರ್ಸೊದ ‘ಬಂಟ್ಸ್ ಸ್ಪೋರ್ಟ್ಸ್ ಮೀಟ್’ – 2023 ಕೋಡೆ ಖಂಡೀವಲಿಡ್ ನಡತ್ಂಡ್.
ಈ ಲೇಸ್‌ದ ಉದಿಪನ ಲೇಸ್‌ಡ್ ಸಂಘೊದ ಗುರ್ಕಾರೆ ಚಂದ್ರಹಾಸ ಕೆ ಶೆಟ್ರ್, ಸಂಸದೆರ್ ಗೋಪಾಲ ಸಿ ಶೆಟ್ರ್, ಐಕಳ ಹರೀಶ್ ಶೆಟ್ರ್, ಕೂಳೂರ್ ಸದಾಶಿವ ಕೆ ಶೆಟ್ರ್, ರಾಜೇಶ್ ಶೆಟ್ರ್ ಅಂಚೆನೇ ನನಲಾತ್ ಗಣ್ಯೆರ್ ಪಾಲ್‌ಗೆತೊಂದಿತ್ತೆರ್. ಇಸೇಸ ಪಂಡ ಕ್ರಿಕೆಟರ್ ಶಿವಮ್ ದುಬೆ, ಧ್ಯಾನ್‌ಚಂದ್ ಮಾನಾದಿಗೆ ಪಡೆತಿನ ಅಶ್ವಿನಿ ಅಕ್ಕುಂಜಿಲಾ ಈ ಲೇಸ್‌ಡ್ ಪಾಲ್‌ಗೆತೊಂದೆರ್.
ಈ ಗೊಬ್ಬುಕೂಟೊದ ಮಲ್ಲ ಆಕರ್ಷಣೆಯಾದಿತ್ತಿ ಮಾರ್ಚ್‌ಪಾಸ್ಟ್‌ಡ್ ಸುಮಾರ್ 12ರ್ದ್‌ಲಾಎಚ್ಚಿನ ಕೂಟೊಲು ಪಾಲ್‌ಗೆತೊಂದಿತ್ತ. ಈ ಮಾರ್ಚ್‌ಪಾಸ್ಟ್‌ಡ್ ಬದ್ಲಪುರ್ ಪ್ರಾದೇಶಿಕ ಬಂಟೆರೆ ಸಂಘದ ಕೂಟ ತುಳು ಲಿಪಿತ ಅಚ್ಚರೊಲೆನ ತೂಪರಿಕೆ ಮಲ್ತ್‌ದ್ ಬೊಂಬಾಯಿಡ್ಲಾ ತುಳುಲಿಪಿ ಮೆನ್ಕಾಯೆರ್. ಅಪ್ಪೆಬಾಸೆದ ಬರವುದ ಕಮ್ಮೆನೊನು ದೂರೊದ ಬೊಂಬಾಯಿಡ್ ಪಸರುಲೆಕ ಮಲ್ತೆರ್.