ದೈವ ಭಾಷೆ ತುಳುಕು ಸ್ಥಾನಮಾನ ಕೊರ್ಲೆ, ಸದನೊಡು ತುಳುಕು ಸ್ವರ ದೆರ್ತಿನ ಯು.ಟಿ ಖಾದರ್

Last updated on February 15th, 2023 at 08:32 pm

ಉಳ್ಳಾಲ ಶಾಸಕೆ ಯು.ಟಿ ಖಾದರ್ ಮೇರ್ ತುಳು ಭಾಷೆಗ್ ಸ್ಥಾನಮಾನ ಕೊರಿಯರೆ ದುಂಬು ಪಿರ ತೂಪಿನಿ ದಾಯೆಗ್ ಪನ್ದ್ ಆಡಳಿತ ಪಕ್ಷ ಬಿಜೆಪಿದ ಮಿತ್ತ್ ಪಿಸಿರಾಯೆರ್.

ಎಂಕ್ಲೆನ ಭಾಷೆಲಾಯಿನ ತುಳು, ಕೊಂಕಣಿ, ಕೊಡವ ಅಕಾಡೆಮಿಲೆಗ್ ಸರಕಾರ ದಿಂಜ ಅನುದಾನ ಕೊರೊಡು. ತುಳು ಭಾಷೆ ಎಂಕ್ಲೆ ಜಿಲ್ಲೆದ ದೈವ ದೇವೆರುಲು ಪಾತೆರುನ ಭಾಷೆ, ಅವೆಕ್ ಅವೆತನೇ ಆಯಿನ ಇತಿಹಾಸ ಉಂಡು, ಸಂಸ್ಕೃತಿ ಉಂಡು, ಅಕಾಡೆಮಿ ಉಂಡು. ತುಳುನು ರಡ್ಡನೇ ರಾಜ್ಯಭಾಷೆಯಾದ್ ಘೋಷಣೆ ಮಲ್ಪೊಡು.

ತುಳುನು ರಾಜ್ಯಭಾಷೆಯಾದ್ ಘೋಷಣೆ ಮಲ್ಪುನ ಬದಲ್ ಎಂಕುಲು ಅಧ್ಯಯನ ಕಮಿಟಿ ಮಲ್ದ ಪನ್ದ್ ಸರಕಾರ ಪನೊಂದುಂಡು. ಎಂಕ್ಲೆಡ ತುಳು ಅಕಾಡೆಮಿ ಉಂಡು, ಲಿಪಿ ಉಂಡು, ಎಂಕ್ಲೆನ ಜೋಕುಲು ಅವ್ ಲಿಪಿಟ್ ಬರೆಪೆರ್, ಮಲ್ಲ ಮಲ್ಲ ವಿದ್ವಾಂಸೆರ್ ತುಳುಟುಲ್ಲೆರ್, ತುಳುಟು ಪೇಪರ್ ಉಂಡು, ಸಾಹಿತ್ಯ ಉಂಡು. ಈತ್ ಪೂರಾ ಉಪ್ಪುನಗ ಕುಡ ಅಧ್ಯಯನ ಕಮಿಟಿ ಎಂಚಿನೆಕ್ಕ್? ಅವ್ ತುಳುಕು ಅವಮಾನ! ಇತ್ತೆಗ್ ಇತ್ತೆನೇ ತುಳುನು ರಡ್ಡನೇ ಭಾಷೆಯಾದ್ ರಾಜ್ಯೊಡು ಮಲ್ಪೊಡು ಪನ್ದ್ ಕೇನೊನುವೆ ಪನ್ದ್ ಯು.ಟಿ ಖಾದರ್ ಪಂಡೆರ್.

ಖಾದರೆರ್ ತುಳು ದೇವೆರ್ನ ಭಾಷೆ ಪನ್ದ್ ಪನ್ನಗ ಲಕ್ಕ್ ದ್ ಉಂತಿನ ಬಿಜೆಪಿ ಸಚೆವೆ ಜೆ.ಸಿ ಮಾಧುಸ್ವಾಮಿ ಮೊಕ್ಲೊನಲ್ಪ ದೇವೆರ್ಲಾ ಪಾತೆರುವೆರ್ಗೆ ಪನ್ದ್ ಯು.ಟಿ ಖಾದರ್‌ನ ಪಾತೆರೊಗು ಅಡ್ಡ ಪಾತೆರ್ಯೆರ್.