Last updated on February 18th, 2023 at 04:37 pm
ಬೇತೆ ಜಿಲ್ಲೆಲೆರ್ದ್ ಬಂಜಿದ ಕುಜಾರ್ಮೆಗ್ ತುಳುನಾಡ್‌ಗ್ ಬತ್ತ್ ಮುಲ್ಪ ಬೇಲೆ ಮಲ್ತೊಂದು ಬದ್ಕುನ ಸುಮಾರ್ ಕುಟುಮೊಲು ಉಲ್ಲ. ಉತ್ತರ ಕರ್ನಾಟಕೊರ್ದು ಎಡ್ಡೆ ಬದ್ಕ್ ಬಯಕ್‌ದ್ ಬತ್ತಿನ ಜನಕುಲು ತುಳುನಾಡ್‌ಡ್ ಸುಮಾರ್ ಉಲ್ಲೆರ್. ಕಾವೂರುದ ಮುಲ್ಲಕಾಡ್ ಶಾಲೆಡ್ ಇಂಚಿನ ಸುಮಾರ್ 20 ಜನ ಜೋಕುಲು ಇತ್ತೆ ತುಳು ಲಿಪಿ ಕಲ್ತ್ ಬಾಕಿದಕಲೆಗ್ ಮಾದರಿಯಾತೆರ್.
ಈ ಜೋಕುಲು ಮುಲ್ಲಕಾಡ್ ಫ್ರೆಂಡ್ ಸರ್ಕಲ್‌ದಕುಲು ತುಳು ಸಾಹಿತ್ಯ ಅಕಾಡೆಮಿ ಬೊಕ್ಕ ಬೇತೆ ತುಳು ಸಂಘಟನೆಲೆನ ಒಟ್ಟುಗು ನಡಪಾದಿನ ತುಳು ಲಿಪಿ ಕಲಿಕಾ ಶಿಬಿರೊಡು ಪಾಲ್ ಪಡೆದಿತ್ತೆರ್. ಉಮೇದ್‌ಡ್ ತುಳು ಲಿಪಿ ಕಲ್ತ್ ಇತ್ತೆ ಅಕಾಡೆಮಿತ ಸರ್ಟಿಫಿಕೇಟ್‌ಲಾ ಪಡೆಯೊಂದೆರ್.
ಇಂಚಪ್ಪೊಗು ತುಳುನಾಡೊರ್ಮೆ ತುಳು ಲಿಪಿ ಕಲ್ಪುನಕಲೆನ ಸಂಖ್ಯೆ ದಿಂಜ ಆವೊಂದುಂಡು. ಪ್ರತಿಯೊರಿಲಾ ತುಳುತ ಮಿತ್ತ್ ಮೋಕೆಡ್ ಅಂಚೆನೆ ನಮ್ಮ ಲಿಪಿ ಪನ್ಪಿನ ಕುತೂಹಲೊಡು ತುಳು ಲಿಪಿ ಕಲ್ತೊಂದುಲ್ಲೆರ್. ಈ ಕಜ್ಜೊಡು ತುಳುವೆರ್ ಮಾತ್ರ ಅತ್ತಂದೆ ಇತ್ತೆ ಪಿದಯಿದ ಜೋಕುಲುಲಾ ಒವ್ವೇ ಪುದೆದಾಂತೆ ಕಲ್ಪರೆ ಉಮೇದ್ ಕೊರಿನ ಪೆರ್ಮೆದ ಸಂಗತಿ.