ಒಡಿಪು ಪೇಜಾವರ ಮಠೊಡು ನಡತಿನ ‘ಸಂತ ಸಮ್ಮೇಳನ’ಟ್ ತುಳುಕು ರಾಜ್ಯಭಾಷೆ ಸ್ಥಾನಮಾನೊಂತ ಆಗ್ರಹ

Last updated on February 20th, 2023 at 04:33 pm

ನನ ದುಂಬುದ ಪರ್ಯಾಯ ಪೀಠದ ಸ್ವಾಮಿಲಾಯಿನ ಪುತ್ತಿಗೆ ಮಠತ ಶ್ರೀಕುಳೆಗ್ ಒಡಿಪು ಪೇಜಾವರ ಮಠೊಡು ನಡತೊಂದಿಪ್ಪುನ ಸಂತ ಸಮ್ಮೇಳನೊಟು ಬಿಜೆಪಿದ ರಾಷ್ಟ್ರೀಯ ಗುರ್ಕಾರ್ಲಾಯಿನ ಜೆ.ಪಿ ನಡ್ಡಾ ಬತ್ತ್ ವಂದನಾರ್ಪಣೆ ಕರಿತೆರ್. ಈ ಪೊರ್ತುಟು ಪೂಜ್ಯ ಪೇಜಾವರ ಸ್ವಾಮೀಜಿ ಅಂಚೆನೆ ಪೂಜ್ಯ ಸುಬ್ರಹ್ಮಣ್ಯ ಮಠತ ಸ್ವಾಮೀಜಿ ಇತ್ತೆರ್.

ಪೇಜಾವರ ಶ್ರೀಕುಳೆನ ಗುರ್ಕಾರ್ಮೆಡ್ ನಡಪೊಂದಿಪ್ಪುನ ಸಂತ ಸಮ್ಮೇಳನೊಟು ಎಂಕ್ಲೆನ ಅಪ್ಪೆಭಾಷೆ ತುಳು ಭಾಷೆಗ್ ಕರ್ನಾಟಕೊಡು ಅಧಿಕೃತ ಸ್ಥಾನಮಾನ ಕೊರೊಡು ಪನ್ಪಿನ ಆಗ್ರಹ ಆಂಡ್. ಅಂಚೆನೆ ಗೋ-ಸಂರಕ್ಷಣಾ ನೀತಿನ್ ಪತ್ತ ಪಾಲನೆ ಮಲ್ಪೊಡು, ಏಕರೂಪ ಸಂಹಿತೆ ಕರ್ನಾಟಕೊಡು ಜಾರಿಗ್ ಬರೊಡು, ದೇಲಂತಡೆತ ಜಾಗೆಲೆನ ಸಂರಕ್ಷಣೆ ಕರ್ನಾಟಕ ರಾಜ್ಯೊಡು ಆವೊಡು ಪನ್ತ್ ಆಗ್ರಹ ಮಲ್ತೆರ್.