Last updated on March 28th, 2023 at 02:59 pm
ಕುಡ್ಲ: ಅಡ್ಯಾರ್‌ಡಿಪ್ಪುನ ಐಸ್‌ಕ್ರೀಂ ಸ್ಟೋರೇಜ್ ಕೇಂದ್ರೊಗು ಸೂ ಬೂರ್ದ್ ಮಸ್ತ್ ನಷ್ಟ ಆತ್ಂಡ್. ರಾತ್ರೆ ರಡ್ಡ್ ಗಂಟೆದ ಪೊರ್ತುಗು ಸೂ ಬೂರ್ದು, ಕೋಟ್ಯಗಟ್ಲೆ ರೂ. ನಷ್ಟ ಆತ್ಂಡ್. ಗಾಡಿಲು ಸೇರ್ದ್ ಅಲ್ಪ ಇತ್ತಿನ 5 ಕೋಟಿ ರೂ . ಮೌಲ್ಯೊದ ಸೊತ್ತುಲು ಪೊತ್ತ್‌ದ್ ಪೋತ.
ಶಾರ್ಟ್‌ ಸರ್ಕ್ಯೂಟ್‌ರ್ದ್ ಈ ನಡಕೆ ನಡತ್‌ದ್ಂಡ್ ಪಂದ್ ತೋಜೊಂದುಂಡು. ನಾಲ್ಕು ಗಂಟೆ ಕಾರ್ಯಾಚರಣೆ ಮಲ್ತ್‌ದ್ ಸೂ ತೆಕ್ಕಾದೆರ್. ಕಾರವಾರೊರ್ದ್ದಿಂದ ಕಾಸ್ರೋಡ್ ಮುಟ್ಟ ನಂದಿನಿ ಐಸ್‌ಕ್ರೀಂ ಪಟ್ಟುನ ಘಟಕ ಉಂದಾದುಂಡು. ರಾತ್ರೆ 2 ಗಂಟೆಗ್ ಶಾರ್ಟ್‌ ಸರ್ಕ್ಯೂಟ್‌ರ್ದಾವರ ಸೂ ಬೂರ್ದ್, ಸ್ಟೋರೇಜ್ ಕೇಂದ್ರೊದ ಮಿತ್ತ್ ನಂದಿನಿ ಐಸ್‌ಕ್ರೀಂ ಡಿಸ್ಟ್ರಿಬ್ಯೂಟರ್‌ನ ಇಲ್ಲ್ ಇತ್ತ್‌ದ್, ಸೂ ಬೂರ್ದಿನ ಇಸಯ ಅರೆಗ್ ಸುರೂಕು ತೆರಿದ್‌ಬೈದ್ಂಡ್. ಆರ್ ತಿರ್ತ್ ಜೆತ್ತಿತ್ತಿನ ಡ್ರೈವರ್ ಬೊಕ್ಕ ಸಿಬ್ಬಂದಿಲೆನ್ ಸೇರ್ದ್ ನಿಲ್ ಜನೊನು ಲಕ್ಕಾದ್ ಅಗ್ನಿಶಾಮಕ ದಳ ಬೊಕ್ಕ ಪೊಲೀಸೆರೆಗ್ ತೆರಿಪಾದೆರ್.
ರೆಫ್ರಿಜರೇಟರ್‌ ಇತ್ತಿನ ಗಾಡಿ ಸೂತ್ ಕರೆಂಚಿದ್‌ಪೋಂಡು
ಈ ಕಲುನಡಕೆದ ಪೊರ್ತು ಐಸ್‌ಕ್ರೀಂ ಸಾಗಾಟೊಗು ಗಲಸೊಂದಿತ್ತಿನ ರೆಫ್ರಿಜರೇಟರ್‌ ಇತ್ತಿನ ಗಾಡಿ ಸೂಟ್ ಪೊತ್ತ್‌ದ್ ಪೋತುಂಡು. ಸ್ಟೋರೇಜ್ ಕೇಂದ್ರೊದ ಉಲಯಿ ಇತ್ತಿನ ಮಲ್ಲ ರೆಫ್ರಿಜರೇಟರ್‌ಲಾ ಪೊತ್ತುದುಂಡು.