Last updated on March 7th, 2023 at 09:26 am
ಚಿಕ್ಕಮಗಳೂರು ಜಿಲ್ಲೆದ ಚಾರ್ಮಾಡಿ ಘಾಟ್‌ದ ಅಲೆಕನ್ ಹೊರಟ್ಟಿ ಗುಡ್ಡೆದ ಕಾಡ್‌ಗ್ ತೂ ಪತ್ತ್ದ್ಂಡ್. ಅರಣ್ಯ ಇಲಾಖೆದಕುಲು ತೂ ತೆಕ್ಕಾವರೆ ಪುನೆಪು ಬರೊಂದುಲ್ಲೆರ್. ಏರಾ ಉಂದು ಬೋಡುಂದೇ ತೂ ಪೊತ್ತಾದೆರ್ ಪನ್ಪಿನ ಪಾತೆರಲ ಬರೊಂದುಂಡು. ಮಲ್ಲ ಕಾಡ್‌ದ ಜಾಗೆ ಪೊತ್ತುದು ಸುಡು ಸೂಕರಿ ಆತಿಲೆಕ್ಕ ಉಂಡು. ಗುಡ್ಡ ಆಯಿನೆರ್ದಾವರ ಅಡೆಗ್ ತೆಕ್ಕಾವರೆ ಬಂಡಿಲೆನ್ ಕೊನೊವರೆಲ ಆವೊಂದಿಜ್ಜಿ.
ಶಿಬಾಜೆ ಬೊಕ್ಕ ಅರಸಿನಮಕ್ಕಿಡ್ 100 ಹೆಕ್ಟೇರ್‌ರ್ದ್‌ಲಾ ಮಿತ್ತ್ ಜಾಗೆಲೆಗ್ ರಡ್ಡ್ ದಿನೊದ ದುಂಬು ತೂ ಪತ್ತಿದಿತ್ತ್ಂಡ್. ಎಚ್ಚಿನ ಜಾಗೊಲೆಡ್ ಕರೆಂಟ್ ವಯರ್‌ರ್ದಾತ್ರ ತೂ ಪತ್ತ್ದ್ಂಡ್ ಪನ್ದ್ ತೆರಿದ್ ಬೈದ್ಂಡ್.