Last updated on March 20th, 2023 at 04:49 pm
ಪುತ್ತೂರುದ ಮಾಡಾವು ಪನ್ಪಿ ಗ್ರಾಮೊಡು ಶ್ರಮ್ಯ ರೈ ಪನ್ಪಿನ ಪೊಣ್ಣೊರ್ತಿ ತನ್ನ ಅಪ್ಪೆಗ್ ಉಚ್ಚು ತುಚ್ಚಿನ ತೂದು ಅಪ್ಪೆಗ್ ದೈರ್ಯ ಕೊರ್ದು ಬಾಯಿರ್ದ್ ಅಗ್ಗಿದ್ ಇಸ ದೆತ್ಚ್ ಅಪೇುೆನ್ ಬದ್ಕಾಯಿನ ನಡಕೆ ನಡತ್ಂಡ್.
ಕೆಯ್ಯೂರು ಗ್ರಾಮ ಪಂಚಾಯತಿದ ಪದುಕೆದಿಯಾದುಪ್ಪುನ ಮಮತಾ ರೈ ಮೇರ್ ಬಜ್ಜೈದ ತೋಟೊಡು ಬೇಲೆ ಮಲ್ಪಾವೊಂದಿಪ್ಪುನಗ ಉಚ್ಚು ಮೆರೆಗ್ ತುಚ್ಚಿಂಡ್, ಅಪ್ಪೆ ಕಲ್ಕಿನ ತೂದು ಪಾರ್ ಬತ್ತಿನ ಮಗಲ್ ಶ್ರಮ್ಯ ತಡ ಮಲ್ಪಂದೆ ಉಚ್ಚು ತುಚ್ಚಿನ ಜಾಗೆರ್ದ್ ಬಾಯಿರ್ದ್ ಅಗ್ಗಿದ್ ಇಸ ದೆತ್ತ್ ಸುರುತ ಚಿಕಿತ್ಸೆ ಮಲ್ತ್ ಜೀವೊಗು ಸಂಚಿಕಾರ ಬರಂದಿಲೆಕ್ಕ ತಡೆತೆರ್.
ಬೊಕ್ಕ ಕೈತಲ್ದ ಆಸ್ಪತ್ರೆಗ್ ಕೊನೊಯೆರ್. ಇತ್ತೆ ಮಮತಾ ಮೇರ್ ಗುಣ ಆವೊಂದುಲ್ಲೆರ್. ಶ್ರಮ್ಯನ ಈ ಕಜ್ಜೊಗು ಮಾತೆರ್ಲಾ ಪುಗರೊಂದುಲ್ಲೆರ್. ಶ್ರಮ್ಯ ಪುತ್ತೂರುದ ವಿವೇಕಾನಂದ ಕಾಲೇಜಿಡ್ ರೋವರ್ಸ್ ಬೊಕ್ಕ ರೇಂಜರ್ ವಿದ್ಯಾರ್ಥಿ ಆದಿತ್ತೆರ್ಗೆ, ಅಲ್ಪ ಕಲ್ತಿನ ಪ್ರಥಮ ಚಿಕಿತ್ಸೆ ಗಲಸ್ ದ್ ಅಪ್ಪೆನ ಜೀವ ಒರಿಪಾಯೆರ್.