Last updated on March 16th, 2023 at 12:23 pm
ಕುಡ್ಲ, ಮಾರ್ಚ್ 16: ಕುಡ್ಲದ ಗಂಜಿಮಠ ಗ್ರಾಮ ಪಂಚಾಯತ್ ಪದುಕೆ, ಬಿಜೆಪಿ ಕಾರ್ಯಕರ್ತೆ ಸಂದೀಪ್ ಶೆಟ್ಟಿ ಮೊಗರ್(35) ಆತ್ಮಹತ್ಯೆ ಗೆ ಮಲ್ತೊಂದೆರ್. ಬುದಾರ ರಾತ್ರೆ ಕುಡ್ಲ ಗ್ರಾಮಾಂತರ ಪೊಲೀಸ್ ಸ್ಟೇಷನ್ ಸೀಮೆದ ನೀರ್‌ಮಾರ್ಗಡುಪ್ಪುನ ತನ್ನ ಕಟೀಲೇಶ್ವರಿ ಸೇವಾ ಸಿಂದು ಕಚೇರಿಡ್ ಫ್ಯಾನ್‌ಗ್ ಬಲ್ಲ್‌ಪಾಡೊಂದು ಆತ್ಮಹತ್ಯೆ ಮಲ್ತೊಂದೆರ್.
ಬುದಾರ ಮದ್ಯಾನೊರ್ದು ಸಂದೀಪ್ ತೋಜಂದೆ ಇತ್ತ್‌ದ್, ಇಡೀಕ ನಾಡ್‌ದಾನಗ ಆತ್ಮಹತ್ಯೆ ಮಲ್ತೊಂದಿನ ತೆರಿದ್‌ಬೈದ್ಂಡ್. ಗಂಜಿಮಠ ಗ್ರಾಮ ಪಂಚಾಯ್ತಿದ ಮೊಗರ್ 9 ಬೊಕ್ಕ 10 ನೇ ವಾರ್ಡ್‌ದ ಬಿಜೆಪಿ ಬೆರಿತಾಂಗ್‌ದ ಪದುಕೆರಾದಿತ್ತಿನ ಸಂದೀಪ್ ಶೆಟ್ಟಿ ನೀರ್‌ಮಾರ್ಗಡ್ ಸೇವಾ ಸಿಂದು ಕೇಂದ್ರ ಪಡಪಾವೊಂದಿತ್ತೆರ್.
ಅವಿವಾಹಿತೆರಾದುಪ್ಪುನ ಸಂದೀಪ್ ಶೆಟ್ಟಿ ಇನ್ಶೂರೆನ್ಸ್ ಏಜೇಂಟ್ ಆದ್‌ಲಾ ಬೆನೊಂದಿತ್ತೆರ್. ವ್ಯಾವಹಾರಿಕ ಸಮಸ್ಯೆಲೆರ್ದಾವರ ಜೂವ ಗೆತ್ತೊಂದೆರ್ ಪಂದ್ ಜನೊಕುಲು ಪಾತೆರ್ನ್ಡಲಾ, ಬಲ್ಲ್ ಗೆತೊನುನ ದುಂಬು ಡೆತ್ ನೋಟ್ ಬರೆದ್ ದೀತಿನೆನ್ ತೂನಗ ಬೇತೆ ದಾಲ ಕಾರಣೊಲಾ ಇಪ್ಪು ಪಂದ್ ಪೊಲೀಸೆರ್ ಪನೊಂದುಲ್ಲೆರ್. ಸದ್ಯೊಗು ಡೆತ್ ನೋಟ್‌ನ್ ಪೊಲೀಸೆರ್ ವಶೊಕು ದೆತೊಂದು ಜಡ್ತೆ ಸುರು ಮಲ್ದೆರ್.