Last updated on March 28th, 2023 at 01:01 pm
9ನೇ ವರ್ಸೊದ ಇಸ್ವ ಮಾಸ್ಟರ್ಸ್ ಅಥ್ಲೆಟಿಕ್ಸ್ ಇನ್‌ಡೋರ್ ಚ್ಯಾಂಪಿಯನ್‌ಶಿಪ್ ಈ ಸರ್ತಿ ಪೋಲೆಂಡ್ ದೇಶೊದ ಟೋರನ್ ಪನ್ಪಿನಲ್ಪ ನಡತೊಂದುಂಡು. ಮಾರ್ಚ್ 25ರ್ದ್ 31 ಮುಟ್ಟ ನಡಪುನ ಈ ಅಂತಾರಾಷ್ಟ್ರೀಯ ಮಟ್ಟೊದ ಗೊಬ್ಬುಕೂಟೊಡು 4000ರ್ದ್ಲಾ ಎಚ್ಚಿನ ಗೊಬ್ಬುಗಾರೆರ್ ಪಾಲ್‌ಪಡೆಪೆರ್.
ಈ ಗೊಬ್ಬುಕೂಟೊದ M60 ಕೆಟೆಗರಿದ ಬರ್ಚಿ ದಕ್ಕುನ ಪಂತೊಡು ತುಳುವೆ ಗಿರಿಧರ ಸಾಲ್ಯಾನ್ ಬೊಳ್ಳಿ ಗೆಂದ್‌ದೆರ್. ಬಾರಿ ಒರೆಡ್ಡೊಂದು ಸಾಗಿನ ಪಂತೊಡು ಫಿನ್ಲೆಂಡ್‌ದ ವಿಸ್ಕರಿ ಜರ್ಮೊ 47.02 ಮಾರ್ಕ್‌ಡ್ ಕಡೀರ ತಾನೊ ಗೆಂದಿಯೆರ್ನ್ಡ 46.00 ಮಾರ್ಕ್‌ಡ್ ಗಿರಿಧರ ಸಾಲ್ಯಾನ್ ರಡ್ಡನೇ ತಾನೊಗು ಕುಸಿಪಡಪಿಲೆಕಾಂಡ್.
ಈ ಗೊಬ್ಬುಕೂಟೊಡು ಭಾರತ ರಡ್ಡ್ ಬಂಗಾರ್, ಒಂಜಿ ಬೊಳ್ಳಿ, ಒಂಜಿ ಕಂಚಿ ಸೇರ್ದ್ ನಾಲ್ ಪದಕೊಲೆನ್ ಗೆಂದ್‌ದ್ 20ನೇ ತಾನೊಡುಂಡು.