Last updated on March 7th, 2023 at 03:40 pm
ಹೆಚ್3ಎನ್2 ವೈರಸ್ ಪಗರೊಂದಿಪ್ಪುನ ಬಗೆಟ್ ಪಾತೆರಿನ ಆರೋಗ್ಯ ಮಂತ್ರಿ ಸುಧಾಕರ್ ಮೇರ್ ಜನಕುಲು ಅಲ್ಕ್‌ದ್ ಬೂರುನು ಬೊಡ್ಚಿ. ಜನಕುಲೆಗ್ ಉಂದೆನ್ ನಿಯಂತ್ರಣ ಮಲ್ಪುನು ಎಂಚ ಪನ್ಪಿನೆತ್ತ ಬಗೆಟ್ ನಿಯಮಾವಳಿನ್ ಬೇಗೊಡೆ ಬುಡುಗಡೆ ಮಲ್ಪುವ ಪನ್ದ್ ಪಂಡೆರ್. ಆಸ್ಪತ್ರೆದ ಮಾತಾ ಕರ್ಮಚಾರಿನಕುಲು ಕಡ್ಡಾಯವಾದ್ ಮಾಸ್ಕ್ ಪಾಡೊಡು ಪನ್ದ್ ಪಂಡೆರ್.
ವಿಕ್ಟೋರಿಯಾ ಬೊಕ್ಕ ವಾಣಿ ವಿಲಾಸ ಆಸ್ಪತ್ರೆಡ್ ವಾರೊಗು 25 ಕೇಸ್ ಟೆಸ್ಟ್ ಮಲ್ತೊಂದುಲ್ಲ ಪನ್ದ್ ಪಂಡೆರ್. 15 ವರ್ಸದ ತಿರ್ತ್‌ದ ಜೋಕುಲೆಗ್ ಅಂಚೆನೆ 65 ವರ್ಸದ ಮಿತ್ತ್‌ದಕಲೆಗ್ ಬೊಕ್ಕ ಬಂಜಿನ ಪೊಂಜೊವುಲೆಗ್ ಉಂದು ಜಾಸ್ತಿ ಬರ್ಪಿನ ಸಾಧ್ಯತೆ ಉಂಡು. ಜನಕುಲು ಒಟ್ಟು ಸೇರುನ, ಕೈ ಕ್ಲೀನ್ ದೀಪಿನಿ, ಸ್ವಚ್ಚತೆ ಕಾಪಾಡ್ಂಡ ಉಂದು ಬರಂದಿಲೆಕ್ಕ ತೂವೊಲಿ.
ಪ್ರತೀ ವರ್ಸ ಕೊಪ್ಪಿನ ಇನ್‌ಫ್ಲೂಯೆನ್ಝಾ ವ್ಯಾಕ್ಸೀನ್‌ನ್ ಆರೋಗ್ಯ ಕಾರ್ಯಕರ್ತೆರ್ ದೆತೊನೊಡು. 2019 ಮುಟ್ಟ ಈ ವ್ಯಾಕ್ಸೀನ್ ಕೊರೊಂದಿತ್ತೆರ್, ಕೋವೀಡ್ ಬತ್ತಿಬೊಕ್ಕ ಅವೆನ್ ಉಂತಾಯ. ಇತ್ತೆ ಮಾತಾ ಜಿಲ್ಲೆಲೆಡ್ ಕುಡ ಸುರು ಮಲ್ಪುವ. ರಾಜ್ಯೊಡು ಒಟ್ಟುಗು 26 ಹೆಚ್3ಎನ್2, 10 ಇನ್‌ಫ್ಲೂಯೆನ್ಝಾ ಕೇಸುಲು, 69 ಎಡಿನೋ ಕೇಸುಲು ಡಿಟೆಕ್ಟ್ ಆತ.