ತುಳುನಾಡ ಪಡ್ಡಾಯಿ ಮೆಯಿಟ್ ಬೆಪ್ಪುಗಾಳಿ; ಎಚ್ಚರಿಕೆ ಕೊರ್ನ ಹವಾಮಾನ ಇಲಾಖೆ

Last updated on March 4th, 2023 at 12:24 pm

ತುಳುನಾಡ್ ಸೇರ್ದ್ ಕರ್ನಾಟಕೊದ ಮಾತ ಪಡ್ಡಾಯಿ ಕರೆಟ್ ನನದ 48 ಗಂಟೆಡ್ ಬಾರಿ ಜೋರುಡು ಬೆಪ್ಪುಗಾಳಿ ಬೀಜರೆಗುಂಡು ಪಂದ್ ಭಾರತೀಯ ಹವಾಮಾನ ಇಲಾಖೆ ಎಚ್ಚರಿಕೆ ಕೊರ್ತುಂಡು.

ತುಳುನಾಡ್‌ಡ್ ಕರಿನ ಒಂಜಿ ವಾರೊರ್ದ್ ದೊಂಬುದ ಪೆಟ್ಟ್ ಬಾರಿ ಜೋರಾತ್ಂಡ್. ಅರೆಗ್ಗಾಲೊದ ಸುರೂಟೆ ಏಪೊಲ ಇಪ್ಪುನೆರ್ದ್ ಎಚ್ಚ ತಾಪಮಾನೊಲು ದಾಕ್ಲಾವೊಂದುಲ್ಲ. ಸುಗ್ಗಿ ಮುಟ್ಟೆರಾನಗ ಪಂಡ ಮಾರ್ಚ್ ಮೂಜನೇ ವಾರೊಗಾನಗ ಈ ತಾಪಮಾನ ಬೊಕಲಾ ಎಚ್ಚ ಆಪಿನ ಸಾಧ್ಯತೆಲುಲ್ಲ. ಆ ಪೊರ್ತುಡು ತಾಪಮಾನ 40°C ಕರೀಂಡಲಾ ದಾಲ ಸೋಜಿಗ ಇಜ್ಜಿ, ಆಂಡಲಾ ಇಂಚಿನ ಬೆಪ್ಪು ಜನೊಕ್ಲೆನ ಆರೋಗ್ಯೊನು ಹಾಲ್ ಮನ್ಪುನೆರ್ದಾವರ ಇಸೇಸ ಗೇನ ದೀವೊನೊಡು ಪಂದ್ ಸೂಚನೆಡ್ ಪಂತೆರ್.

ಹೀಟ್‌ಸ್ಟ್ರೋಕ್, ಕಣ್ಣ್ ಉರಿ ಬರ್ಪುನ, ಡೀಹೈಡ್ರೇಷನ್, ತರೆ ತಿರ್ಗುನ ಇಂಚ ಬೇತೆ ಬೇತೆ ಸಮಸ್ಯೆಲು ಉಂಡಾಪಿನ ಸಾಧ್ಯತೆಲುಲ್ಲ, ಮಾತೆರ್ಲಾ ಅರೆಗ್ಗಾಲೊಡು ಇಂಚಿನ ಪರಿಸ್ಥಿತಿಗ್ ಬೋಡಾಪಿನ ಅಟ್ಟಣೆಲೆನ್ ಮಲ್ತೊನೊಡು. ಸಮ ನೀರ್ ಪರೊಡು. ಅವಶ್ಯಕತೆ ದಾಂತೆ ದೊಂಬುಗು ಪಿದಯಿ ಪೋಪುನೆನ ಕಡಮ್ಮೆ ಮನ್ಪೊಡು.