Last updated on March 10th, 2023 at 08:59 pm
ಇತ್ತೆ ಸುದ್ದಿಡುಪ್ಪುನ ಪೊಸ ಇಂಫ್ಲುಯೆಂಜ಼ಾ ವೈರಸ್ H3N2 ಭಾರತೊಡು ರಡ್ಡ್ ಜನೊನು ಬಲಿ ಗೆತೊಂದ್ಂಡ್.
ತುಳುನಾಡ ಬರಿತ ಜಿಲ್ಲೆ ಹಾಸನೊಡು ಈರೇಗೌಡೆ ಪನ್ಪಿಲ 82 ವರ್ಸ ಪ್ರಾಯೊದಾರ್ H3N2 ವೈರಸ್‌ರ್ದಾವರ ತೀರ್ದೆರ್. ಮಾರ್ಚ್ 6 ಕ್ ತೀರ್ದಿನ ಮೆರೆನ ಸಾವುಗ್ ಇಂಫ್ಲುಯೆಂಜ಼ಾ ವೈರಸ್ H3N2 ಕಾರಣ ಪಂದ್ ಆರೋಗ್ಯ ಇಲಾಖೆ ದೃಢ ಮಲ್ದ್ಂಡ್. ಈರೇಗೌಡ್ರೆಗ್ ಬಿ.ಪಿ ಬೊಕ್ಕ ಶುಗರ್‌ಲಾ ಇತ್ತ್ಂಡ್ ಪಂದ್ ತೆರಿದ್‌ಬೈದ್ಂಡ್.
ಕುಡೊಂಜಿ ಸಾವು ಹರ್ಯಾಣದ ಜಿಂಡ್‌ಡ್ ನಡತ್‌ದ್ಂಡ್. ಉರೆ ಕ್ಯಾನ್ಸರ್ ಇತ್ತಿನ 56 ವರ್ಸ ಪ್ರಾಯೊದ ಜನ ಪೊಸ ವೈರಸ್‌ದ ಎದುರು ಉಸುಲು ಬುಡ್ತೆರ್.
ಆರೋಗ್ಯ ಸಚಿವೆ ಡಾ. ಕೆ. ಸುಧಾಕರ್, ಈ ವಾರೊದ ಸುರೂಟ್ ರಾಜ್ಯ ತಾಂತ್ರಿಕ ಸಲಹಾ ಸಮಿತಿ (TAC) ದೊಟ್ಟುಗು ಇನಯ ಮಲ್ತ್‌ದ್ ಸೋಂಕುನ್ ತಪ್ಪಾಯೆರ ಬೋಡಾಪಿನ ಕ್ರಮೊಕ್ಲೆನ್ ತೆರಿಪಾವುನ ಮಾರ್ಗಸೂಚಿನ್ ಬುಡುಗಡೆ ಮಲ್ದಿತ್ತೆರ್.