Last updated on March 15th, 2023 at 07:20 pm
ಐಸಿಸಿ ಬುಡುಗಡೆ ಮಲ್ದಿನ ಪೊಸ ಟೆಸ್ಟ್ ಆಲ್-ರೌಂಡರ್ಸ್‌ನಕಲ್ನ ಪಟ್ಟಿಡ್ ಕಡೀರ್ದ ನಾಲ್ ತಾನೊಲೆಡ್ ಮೂಜಿ ತಾನೊಲು ಭಾರತೀಯೆರೆಗ್ ತಿಕ್ಕ್‌ದ್ಂಡ್.
431 ಪಾಯಿಂಟ್ ಗೆತೊಂದು ರವೀಂದ್ರ ಜಡೇಜಾ ಕಡೀರ್ದ ತಾನೊಡಿತ್ತೆರ್ನ್ಡ ಇಂಚಿಪ್ಪೊಗು ನಡತಿನ ಬಾರ್ಡರ್-ಗವಾಸ್ಕರ್ ಟ್ರೋಫಿಡ್ ಪ್ಲೇಯರ್ ಆಫ್ ದ ಸೀರೀಸ್ ಮಾನಾದಿಗೆ ಗೆತೊಂದಿನ ರವಿಚಂದ್ರನ್ ಅಶ್ವಿನ್ 359 ಪಾಯಿಂಟ್ ಗೆತೊಂದು ರಡ್ಡನೇ ತಾನೊಡುಲ್ಲೆರ್. ಬೌಲಿಂಗ್ ವಿಭಾಗೊಡು ಬಾರಿ ಎಡ್ಡೆ ತೂಪರಿಕೆ ಕೊರ್ತಿನ ರವಿಚಂದ್ರನ್ ಅಶ್ವಿನ್ ಐಸಿಸಿ ಟೆಸ್ಟ್ ಬೌಲರ್ಸ್ ರ್‍ಯಾಂಕಿಂಗ್‌ಡ್ ಕಡೀರ್ದ ತೊನೊಡುಲ್ಲೆರ್.
ಈ ಪಟ್ಟಿಡ್ ಪುದರಿಪ್ಪುನ ಮೂಜನೇ ಆಳ್ ಅಕ್ಷರ್ ಪಟೇಲ್ ಇಂಚಿಪ್ಪೊಗು ಆಸ್ಟ್ರೇಲಿಯಾದ ಎದ್‌ರ್ ನಡತಿನ ಗೊಬ್ಬುಡು ಬ್ಯಾಟಿಂಗ್, ಬೌಲಿಂಗ್, ಫೀಲ್ಡಿಂಗ್ ವಿಭಾಗೊಡು ಎಡ್ಡೇನ ಪ್ರದರ್ಶನ ಕೊರ್ದು 316 ಪಾಯಿಂಟ್ ಗೆತೊಂದು ಐಸಿಸಿ ರ್‍ಯಾಂಕಿಂಗ್‌ಡ್ ನಾಲನೇ ತಾನೊಡುಲ್ಲೆರ್.
ಇಂಚ ಇಸ್ವೊದ ಟಾಪ್ ನಾಲ್ ಜನ ಆಲ್‌ರೌಂಡರ್ಸ್‌ನಕಲ್ನೆಟ್ ಮೂಜಿ ಜನ ಭಾರತೊದಕುಲೇ ಆದುಲ್ಲೆರ್.