Last updated on March 11th, 2023 at 08:08 pm
ತುಳು ಕಲ್ಚರಲ್ ರಿಸರ್ಚ್ ಫೌಂಡೇಶನ್(ರಿ.) ಸಂಸ್ಥೆದಕುಲು ತುಳು ಲಿಪಿ ಕಲ್ಪುನ ಉಮೇದ್ ಇತ್ತಿನಕಲೆಗ್ ತುಳು ಲಿಪಿ ಕಲ್ಪುನ ಎಲ್ಯ ಕೈಬೂಕು “ಜೀಟಿಗೆ” ನ್ ಫೆಬ್ರವರಿ 18ಗು ಬುಡುಗಡೆ ಮಲ್ದಿತ್ತೆರ್. ಈ ಬೂಕುಗು ತುಳುನಾಡ್‌ಡ್ ಮಾತ್ರ ಅತ್ತದೆ ಮುಂಬೈ, ಬೆಂಗಳೂರು, ಪಿದಯೂರುಡ್ಲಾ ಬಯಂಕರ ಡಿಮಾಂಡ್ ಬತ್ತಿತ್ತ್ಂಡ್. ಬೂಕು ಬುಡುಗಡೆ ಆದ್ ಒಂಜಿ ತಿಂಗೊಲುಡೇ ಒಂಜಿ ಸಾರದಾತ್ ಬೂಕು ಮಾರ್‌ದ್ ಪೋಂಡು ಪನ್ದ್ ತುಳು ಕಲ್ಚರಲ್ ರಿಸರ್ಚ್ ಫೌಂಡೇಶನ್‌ದ ಗುರ್ಕಾರ್ಲಾಯಿನ ಮಹಿ ಮುಲ್ಕಿ ತೆರಿಪಾಯೆರ್.
ತುಳು ಲಿಪಿಟ್ ಬೂಕುಲು ಪ್ರಕಟನೆ ಆತಿನವು ಮಸ್ತ್ ಕಮ್ಮಿ. ಅಂಚ ಉಪ್ಪುನಗ ಎಂಕ್ಲೆನ ಕಡೀರ ಬೂಕುಗು ತುಳುವೆರ್ ಈತ್ ಎಡ್ಡೆ ಬೆರಿಬಲ ಕೊರಿನ ತೂದು ಎಂಕಲೆನ ಉಮೇದ್ ಉರ್ಕಾರೊಂದು ಬೈದ್ಂಡ್, ನನಲಾತ್ ತುಳು ಲಿಪಿಟ್ ಬೂಕುಲೆನ್ ಕನಪ ಪನ್ದ್ ಕಾರ್ಯಂತೆರಾಯಿನ ನಿಶ್ಚಿತ್ ರಾಮಕುಂಜ ತೆರಿಪಾಯೆರ್.
ತುಳು ಲಿಪಿ ಕಲ್ಪುನಕಲೆಗ್ ಒವ್ವೇ ಬಂಗ ದಾಂತೆ ಎಲ್ಯ ಜೋಕುಲೆರ್ದ್ ಪತ್ತಿನ ಪರಬೆರ್ ಮುಟ್ಟ ಏರ್ಲಾ “ಜೀಟಿಗೆ”ದ ಸಕಾಯೊಡು ಕಲ್ಪೊಲಿ, ಬೇಗೊಡೇ ಜೀಟಿಗೆದ ರಡ್ಡನೇ ಎಡಿಷನ್‌ಲಾ ಬರ್ಪುಂಡು. ತುಳುನಾಡ್‌ದ ಇಲ್ಲ ಇಲ್ಲಗ್ ಜೀಟಿಗೆನ್ ಎತ್ತಾವುನ ಬೇಲೆ ಎಂಕುಲು ಮಲ್ಪುವ ಪನ್ದ್ ಒತ್ತು ಗುರ್ಕಾರೆ ಬ್ಲೆನ್ಝನ್ ಕಾರ್ಡೋಝಾ ಪಂಡೆರ್.