Last updated on March 20th, 2023 at 11:09 am
ಯುನೈಟೆಡ್ ಕಿಂಗ್‌ಡಂಡ್ ಖಲಿಸ್ಥಾನದ ಪ್ರತ್ಯೇಕವಾದಿಲು ಭಾರತೀಯ ಹೈ ಕಮಿಷನ್ ಕಟ್ವಾನಜ ಮಿತ್ತ್ ದಾಳಿ ಮಲ್ತೆರ್. ಯುಕೆ ಸರಕಾರೊಗು ಈ ಮಾಯಿತಿ ಸುರುಟೇ ತೆರಿದಿತ್ತ್‌ಲಾ ಅಕುಲು ಅವೆಕ್ ಬೋಡಾಪಿನ ದುಂಬೆಚ್ಚರ್ಕೆ ಮಲ್ತಿಜೆರ್ ಪನ್ಪಿ ಒಯಿಲ್ ಉಂಡು. ಅಲ್ಪದ ಸ್ಥಳೀಯ ಸರಕಾರೊಗು ಒಂಜಿ ದಿನೊತ ದುಂಬೇ ಇಂಚ ಆಪುಂಡು ಪನ್ದ್ ತೆರಿದಿತ್ತ್ಂಡಲಾ ಅಕುಲು ಪೋಲೀಸೆರೆನ್ ಒದಗಾಯಿಜೆರ್.
ಸುಮಾರ್ 13-14 ಜನ ಬತ್ತ್ ಹೈ ಕಮಿಷನ್‌ದ ಎದುರು ಲಡಯಿ ಮಲ್ತೆರ್. ಮೊಕುಲು ಖಲಿಸ್ಥಾನದ ಪ್ರತ್ಯೇಕ ಕೊಡಿ ರಾಪಾವೊಂದಿತ್ತೆರ್, ಹೈ ಕಮಿಷನ್‌ದ ಮಿತ್ತ್ ರಾಪಾವೊಂದಿತ್ತಿನ ಭಾರತೀಯ ಕೊಡಿನ್ ಜಾಪಾದ್ ಅವಮಾನ ಮಲ್ತೆರ್. ಹೈ ಕಮಿಷನ್ ಕಟ್ವಾನದ ಕಂಡಿ ದರ್ದೆರ್.
ಭಾರತ ಈ ವಿಷಯೊನು ಗಂಭೀರೊಡು ದೆತೊಂದು ಭಾರತಡುಪ್ಪುನ ಯುಕೆದ ಹೈ ಕಮಿಷನ್‌ನ್ ಲೆತ್ತ್ ಉಂದೆತ ಬಗೆಟ್ ತನ್ನ ಪಿಸಿರ್ ತೆರಿಪಾದ್ಂಡ್. ಭಾರತೀಯ ಹೈ ಕಮಿಷನ್‌ದ ಮಿತ್ತ್ ನಡತಿನ ದಾಳಿನ್ ಗಂಭೀರವಾದ್ ದೆತೊನುವ, ಯುಕೆ ಸರಕಾರ ಹೈ ಕಮಿಷನ್‌ಗ್ ಬೋಡಾಪಿನ ಭದ್ರತೆ ಕೊರಂದಿನೆನ್ ಖಂಡನೆ ಮಲ್ಪುವ ಪಂಡೆರ್.