Last updated on March 9th, 2023 at 08:20 am
ದ್ರಾವಿಡ ಬಾಸೆಲೆಡೊಂಜಾಯಿನ ಕೊಡವ ತಕ್ಕ್‌ಗ್ಲಾ ಅವೆತನೇ ಆಯಿನ ಒಂಜಿ ಲಿಪಿ ಇತ್ತ್ಂಡ್. ಪತ್ತ ಲಿಪಿ ಅತ್ತ್ಂಡಲಾ ಇತ್ತಿನ ಬೇತೆ ಮುಟ್ಟದ ಲಿಪಿಕ್ಲೆನ ಪ್ರಭಾವೊಡು ಉಂಡಾತಿನ ಲಿಪಿತ ರಡ್ಡ್ ಮೂಜಿ ಕಲ್ಬರವುಲ್ಲಾ ಉಲ್ಲ.
ಪಿರಾಕ್‌ದ ತಿರ್ಕೆ ಲಿಪಿ ಅತ್ತಂದೆಲಾ ಬೇತೆ ಬೇತೆ ಕಾಲೊಡು ಬೇತೆ ಬೇತೆ ಜನೊಕುಲು ಕೊಡವ ಬಾಸೆನ್ ಬರೆಯೆರ ತನ್ಕುಲೆನನೇ ಲಿಪಿಕ್ಲೆನ್ ಉಂಡು ಮಲ್ತಿತ್ತೆರ್. ಡಾ. ಕೊರವಂಡ ಅಪ್ಪಯ್ಯೆರ್, ಡಾ. ಐ.ಎಂ. ಮುತ್ತಣ್ಣೆರ್, ಅಪ್ಪನೆರವಂಡ ಕಿರಣ್ ಸುಬ್ಬಯ್ಯೆರ್, ಪೊಂಜಂಡ ಅಪ್ಪಯ್ಯ, ಡಾ. ಕೋಕ್ಸ್ ಜರ್ಮನ್, ಚಾರ್ಲ್ಸ್ ಹೆನ್ರಿ ಇಂಚ ಮಸ್ತ್ ಜನ ಕೊಡವಬಾಸೆಗ್ ಬೇತೆ ಬೇತೆ ಲಿಪಿ ಉಂಡುಮಲ್ದೆರ್. 2021ತ ಅಕೇರೀಡ್ ಮೂಕೊಂಡ ನಿತಿನ್ ಕುಶಾರಪ್ಪೆರ್ 1371ತ ರಡ್ಡ್ ಕಲ್ಬರವುಲೆನ ಆಧಾರೊಡು ಮದೆಯಾದಿತ್ತಿ ಪಿರಾಕ್‌ದ ಕೊಡವ ಲಿಪಿನ್ ಬೊಲ್ಪುಗ್ ಕನತಿತ್ತೆರ್.
ಕರಿನ ವರ್ಸ 21/2/2022ತಾನಿ ಕೊಡವ ಸಾಹಿತ್ಯ ಅಕಾಡೆಮಿ 1970ಡ್ ಡಾ. ಐ.ಎಂ ಮುತ್ತಣ್ಣೆರ್ ಮಲ್ದಿನ ಲಿಪಿನ್ ಅಧಿಕೃತ ಲಿಪಿ ಪಂದ್ ಒತ್ತೊಂದೆರ್. ಇತ್ತೆ ಈ ಲಿಪಿನ್ ಕೊಡವನಾಡ್‌ಡ್ ಅಲ್ಪಲ್ಪ ಗಲಸೆರೆಲಾ ಸುರು ಮಲ್ದೆರ್.
▪️ಕೊಡವಲಿಪಿಟ್ ಅಂಗಡಿದ ಪುದರ್‌ಪಲವೆ
ವಿರಾಜಪೇಂಟೆದ ರಿಯಾಜ್‌ರೆನ ಆಪಾಸ್ ಬೊಕ್ಕ ಪೂತಾಸ್ ಎಲೆಕ್ಟ್ರಾನಿಕ್ಸ್ ಅಂಗಡಿ
▪️ಐನ್‌ಮನೆತ ಬೋರ್ಡ್ ಕೊಡವಲಿಪಿಟ್
ವಿರಾಜಪೇಂಟೆದ ಮೈತಾಡಿ ಗ್ರಾಮೊದ ಕೀದಮನೆ ಮುಂಡಚಾಡಿರ ಇಲ್ಲದಕ್ಲೆನ ಪುದರ್‌ಪಲವೆ
▪️ಗೊಬ್ಬುಕೂಟೊದ ಲೋಗೋಡ್ ಕೊಡವಲಿಪಿ
ಇಸ್ವೊಡೇ ಮಾಮಲ್ಲ ಫೀಲ್ಡ್ ಹಾಕಿ ಗೊಬ್ಬುಕೂಟೊದ ಆಯೋಜಕೆರ್ ಅಪ್ಪಚೆಟ್ಟೋಂಡಳ ಇಲ್ಲದಕುಲು ತನ್ಕುಲೆ ಲೋಗೋಡ್ ಕೊಡವಲಿಪಿ ಗಲಸ್‌ದೆರ್.
▪️ಕೊಡವ ವರ್ಣಮಾಲೆದ ಬೋರ್ಡ್
ನಾಲ್‌ನಾಡ್‌ದ ಕೇಲೇಟಿರ ವಕ್ಕಡ್ ಕೊಡವ ವರ್ಣಮಾಲೆದ ಬೋರ್ಡ್
▪️ ತೆನಸ್‌ದ ಸ್ಟಾಲ್‌ಡ್ ಕೊಡವಲಿಪಿ
ಕೊಡವುದ ಅಮ್ಮತಿಡ್ ನಡತಿನ ಗೊಬ್ಬುಕೂಟೊದಲ್ಪ ಇತ್ತಿನ ‘ಉಂಬಕ್ ಎಂತ’ ಸ್ಟಾಲ್‌ದ ಪುದರ್‌ಪಲವೆಡ್ ಕೊಡವ ಲಿಪಿ.
▪️ಕುಂಟುದಂಗಡಿಡ್ ಕೊಡವಲಿಪಿ
ಮಡಿಕೇರಿ ಪೇಂಟೆದ ಜವುಲಿದಂಗಡಿ ಶಾಹೀನ್ಸ್‌ಡ್ ಕೊಡವಲಿಪಿತ ಪುದರ್‌ಪಲವೆ.
