ಕೊರಗಜ್ಜನ ಆರಾಧಕೆ ಖಾಸಿಂ ಸಾಹೇಬೆರ್ ತೀರಿಯೆರ್

Last updated on March 6th, 2023 at 07:55 am

ಕರಿನ 20 ವರ್ಸೊರ್ದಿಂಚಿ ಕೊರಗಜ್ಜನ್ ನಂಬೊಂದು ಆರಾಧನೊ ಮಲ್ತೊಂದಿತ್ತಿನ 66 ವರ್ಸದ ಖಾಸಿಂ ಸಾಬೇಬೆರ್ ಹೃದಯಾಘಾತವಾದ್ ಮಾರ್ಚ್ 5, ಐತಾರದಾನಿ ತೀರ್ದೆರ್.

ಮೇರ್ ಮುಲ್ಕಿ ಬಳ್ಕುಂಜೆದಲ್ಪ ಇತ್ತೆರ್. ಮೆರೆನ ಮೂಲ ಕೇರಳದ ಪಾಲಕ್ಕಾಡ್. 35 ವರ್ಸದ ದುಂಬು ಕೇರಳೊರ್ದು ಬಳ್ಕುಂಜೆದ ಕಬತಾರ್‌ಗ್ ಬೈದಿತ್ತೆರ್. ಕೊರಗಜ್ಜ ಬೊಕ್ಕ ಪರಿವಾರ ದೈವೊಲೆನ್ ಆರಾಧನೆ ಮಲ್ತೊಂದು ದೈವೊಲೆಗ್ ಗುಂಡ ಕಟ್ಟೊಂದು ದಿನಾಲ ಪೂಜೆ ಮಲ್ತೊಂದಿತ್ತೆರ್.

ಕೇರಳೊರ್ದು ಬೊಡೆದಿ ಜೋಕುಲೊನ್ ಪತೊಂದು ಕಬತಾರ್‌ಡ್ ನಿಲೆ ಆನಗ ಕುಟುಮೊಡು ಸಮಸ್ಯೆಲು ಬತ್ತ್ಂಡ್, ಅವ್ ದಾದ ಪನ್ದ್ ತೆರಿದ್ ತೂನಗ ಅವ್ ಕೊರಗಜ್ಜೆ ಇತ್ತಿನ ಜಾಗೆ ಒಂಜಾ ನಂಬೊಡು ಇಜಿಂಡ ಜಾಗ ಬುಡೊಡು ಪನ್ದ್ ತೋಜಿದ್ ಬತ್ತ್ಂಡ್. ಅಂಚ ಖಾಸಿಂ ಸಾಹೇಬೆರ್ ನಂಬಿಯೆರ್. ಸುರುಕು ಮೇರ್ ಆರಾಧನೆ ಮಲ್ಪುನೆಕ್ಕ್ ಕೆಲವು ಜನ ವಿರೋಧ ಮಲ್ತೆರ್ ಆಂಡ ಬೊಕ್ಕ ಮಾತಾ ಒತ್ತೊನಿಯೆರ್. ಮೆರೆನಲ್ಪ ಒವ್ವೇ ಧರ್ಮಬೇಧ ದಾಂತೆ ಮಾತೆರ್ಲಾ ಬತ್ತ್ ಕೊರಗಜ್ಜಗ್ ಪರಕೆ ಪಾಡೊಂದಿತ್ತೆರ್.