Last updated on March 19th, 2023 at 01:36 pm
ಅಯೋಧ್ಯೆಡ್ ಕಟ್ಟೊಂದಿಪ್ಪುನ ರಾಮಜನ್ಮಭೂಮಿ ದೇವಲ್ಯೊಡು ರಾಮನ ಮೂರ್ತಿ ಮಲ್ಪರೆ ನಮ್ಮ ತುಳುನಾಡ್‌ದ ಕಾರ್ಲದ ಕೃಷ್ಣಶಿಲೆ ಪೋಯಿನವು ನಮಕ್ ಪೆರ್ಮೆದ ವಿಷಯ.
ಈ ಶಿಲೆ 10 ಟನ್ ದುನ್ನ, 6 ಫೀಟ್ ಅಗೆಲ ಬೊಕ್ಕ 4 ಫೀಟ್ ತೋರ ಉಂಡು. ಈ ಕಲ್ಲ್‌ನ್ ನೆಲ್ಲಿಕಾರ್ ಕಲ್ಲ್ ಪನ್ಪೆರ್. ಪಾದೆದ ತಜ್ಞೆರ್ ಅಧ್ಯಯನ ಮಲ್ತ್ ಈ ಕಲ್ಲ್‌ನ್ ಅಜತೆರ್. ಕಲ್ಲ್‌ಗ್ ಪೂಜೆ ಮಲ್ತ್ ಮಲ್ಲ ಲಾರಿಡ್ ಅವೆನ್ ಅಯೋಧ್ಯೆಗ್ ಎತ್ತಾವೊಂದುಂಡು.
ಕಾರ್ಲದ ಈದು ಗ್ರಾಮದ ತುಂಗ ಪೂಜಾರ್ಲೆನ ಜಾಗೆಡಿತ್ತಿನ ಈ ಕೃಷ್ಣಶಿಲೆ ರಾಮನ ಮೂರ್ತಿ ಕೆತ್ತರೆ ಗಲಸುಂಡು ಪನ್ಪಿನವು ಒಂಜಿ ಐತಿಹಾಸಿಕ ದಾಖಲೆಯಾದ್ ಒರಿಯುಂಡು.