Last updated on March 10th, 2023 at 05:37 pm
ಆಡಳಿತ ಪಕ್ಷ ಬಿಜೆಪಿ ಕುಡ್ಲ ಮಹಾನಗರ ಪಾಲಿಕೆದ 2023-24ತ್ತ ಬಜೆಟ್ ಮಂಡನೆ ಮಲ್ತ್ಂಡ್. ಬಜೆಟ್ ವೆಚ್ಚ 222.04ಕೋಟಿ ಆದುಂಡು. ಬಜೆಟ್ ಮಂಡನೆ ಮಲ್ತಿನ ಕಿಶೋರ್ ಕೊಟ್ಟಾರಿ ಮೇರ್ ಪಾತೆರ್ದ್ 96 ಕೋಟಿ ಈ ವರ್ಸ ಆಸ್ತಿ ತೆರಿಗೆರ್ದ್ ಬರ್ಪಿನ ನಿರೀಕ್ಷೆ ಉಂಡು, 8 ಕೋಟಿ ಜಾಹಿರಾತುಲೆರ್ದ್ ಅಂಚೆನೆ 8 ಕೋಟಿ ಕಟ್ವಾನ ಕಟ್ಟುನ ಲೈಸೆನ್ಸ್ ಫೀಸ್‌ಡ್ ಬರ್ಪಿನ ಸಾಧ್ಯತೆ ಉಂಡು. ನಗರಪಾಲಿಕೆರ್ದ್ ನನ ದುಂಬಗ್ ಆನ್‌ಲೈಸ್ ಲೈಸೆನ್ಸ್ ಅಪ್ಲೈ ಮಲ್ಪರೆ ಅಂಚೆನೆ ಫೀಸ್ ಕಟ್ಟುನ ವ್ಯವಸ್ಥೆ ಮಲ್ಪುನ ಯೋಜನೆ ಉಂಡು. 65 ಕೋಟಿ ನೀರ್ದ ಬಿಲ್ಲ್, 9 ಕೋಟಿ ಟ್ರೇಡ್ ಲೈಸೆನ್ಸ್, 28.6 ಕೋಟಿ ಘನ ತಕಜವು ವಿಲೇವಾರಿ ಶುಲ್ಕ, 13 ಕೋಟಿ ರೋಡ್ ಕಟ್ಟಿಂಗ್ ಶುಲ್ಕ, 2.5 ಕೋಟಿ ಉಲ ಚರಂಡಿ ಶುಲ್ಕ ಇಂಚ ಮಾತಾ ಆದಾಯೊಲು ನಗರ ಪಾಲಿಕೆಗ್ ಬರ್ಪುಂಡು ಪನ್ದ್ ಪಂಡೆರ್.
ಬಜೆಟ್‌ದ ಬಗೆಟ್ ಪಾತೆರಿನ ವಿರೋಧ ಪಕ್ಷ ಕಾಂಗ್ರೇಸ್‌ದ ನವೀನ್ ಆರ್ ಡಿಸೋಜಾ ಪಾತೆರ್ದ್ ಕರಿನ ಸಲ ಬರ್ಸೊಗು ತಗ್ಗ್‌ದ ಜಾಗೊಲು ಮಾತಾ ಮುರ್ಕುದುಂಡು, ಅಕಲೆಗ್ ಪರಿಹಾರ ಕೊರ್ಪಿನ ಒವ್ವೇ ಪಾತೆರೊಲು ಬಜೆಟ್‌ಡ್ ಇಜ್ಜಿ ಪನ್ದ್ ಪಂಡೆರ್. ಕಾಂಗ್ರೇಸ್‌ದ ಕೌನ್ಸಿಲರ್ ಎ.ಸಿ ವಿನಯರಾಜ್ ಪಾತೆರ್ದ್ ನಗರ ಪಾಲಿಕೆಗ್ ಅನುದಾನ ಕನವಿನಂಚಿನ ಒವ್ವೇ ಪೊಸ ಯೋಜನೊಲು ಬಜೆಟ್‌ಡ್ ಇಜ್ಜಿ ಪನ್ದ್ ಪಂಡೆರ್.
ಆಡಳಿತ ಪಕ್ಷದಕುಲು ಈ ಬಜೆಟ್ ಅತ್ಯುತ್ತಮ ಬಜೆಟ್ ಪನ್ದ್ ಪುಗರಿಯೆರ್.