Last updated on March 25th, 2023 at 07:33 am
ತುಳು ಭವನೊಡು ಒರಿದಿನ ಕಜ್ಜೊಲೆನ ಉದಿಪನದ ಲೇಸ್ ನಡತೊಂದಿಪ್ಪುನಗ ಲೇಸ್‌ದ ತಿರ್ತ ಚಾವಡಿಡ್ ಕುಲ್ದಿನ ಜನಕುಲು ಮೋಹನ್ ಆಳ್ವ ವರದಿ ಜಾರಿ ಆವೊಡು ಪನ್ದ್ ಪೋಸ್ಟರ್ ಪತೊಂದು ಮೌನ ಪ್ರತಿಭಟನೆ ಮಲ್ತಿನ ನಡಕೆ ನಡತ್ಂಡ್. ತುಳು ಭವನೊಡು ನಡತಿನ ಸುಮಾರ್ 3.6 ಕೋಟಿ ಲೆಕ್ಕದ ಬೇತೆ ಬೇತೆ ಬೇಲೊಲೆನ ಉದಿಪನದ ಕಜ್ಜೊಗು ಕರ್ನಾಟಕ ಸರಕಾರದ ಸಚಿವೆರ್ನಕುಲು, ತುಳುನಾಡ್‌ದ ಶಾಸಕೆರ್ನಕುಲು, ವಿಧಾನ ಪರಿಷತ್ ಸದಸ್ಯೆರ್ನಕುಲು ಬೈದಿತ್ತೆರ್. ಅಕಲೆನ ಎದುರು ಈ ಪೋಸ್ಟರ್ ಪತೊಂದು ಮೌನ ಪ್ರತಿಭಟನೆ ನಡತ್ಂಡ್. ದಿನೊರ್ದು ದಿನ ತುಳುವೆರ್ ತುಳು ಭಾಷೆಗ್ ಮಾನಾದಿಗೆ ತಿಕ್ಕೊಡು ಪನ್ಪಿನ ಬಗೆಟ್ ಅಲ್ಪಲ್ಪ ಒಂಜೊಂಜಿ ರೀತಿಡ್ ದುನಿಪು ದೆಪ್ಪುನವು ತುಳುತ ಮಟ್ಟ್‌ಗ್ ಎಡ್ಡೆ ಬುಲೆಚ್ಚಿಲ್ ಆದುಂಡು.