Last updated on March 5th, 2023 at 03:33 pm
ಭಾರತೊಗು ತೆಟ್ಟ್ ಬಯಕುನ ಒವ್ವೇ ಯೋಜನೆದ ಕೇಂದ್ರ ಮನ್ಪೆರ ವಾ ದೇಶೊಗ್ಲಾ ಬುಡ್ಪುಜ ಪಂದ್ ಶ್ರೀಲಂಕಾ ಪಂಡೊಂದುಂಡು.
ಭಾರತೊದ ಭದ್ರತಾ ಹಿತಾಸಕ್ತಿಲೆನ ವಿರುದ್ಧವಾದ್ ಎಂಕ್ಲೆನ ದೇಶೊನು ಕೇಂದ್ರ ಮಲ್ತೊನೆರ ಎಂಕ್ಲು ವಾ ದೇಶೊಗ್ಲಾ ಅನು ಕೊರ್ಪುಜ ಪಂದ್ ಶ್ರೀಲಂಕಾದ ವಿದೇಶಾಂಗ ಸಚಿವೆ ಎಂ ಯು ಎಂ ಅಲಿ ಸಬ್ರಿ ಪಂಡೆರ್.
ಕರಿನ ವರ್ಸ ಚೀನಾದ ಪತ್ತೇದಾರಿ ಪಡವು ಹಂಬನ್‌ತೋಟ ಬಂದರ್‌ಗ್ ಬತ್ತಿನೆರ್ದಾವರ ಭಾರತ-ಶ್ರೀಲಂಕಾದ ಸಂಬಂಧೊಗು ದಾಲ ಪೆಟ್ಟಾತ್ಂಡಾ ಪಂದ್ ಕೇಂಡಿನ ಕೇನ್ಪುಗು ಸದು ಕೊರ್ನಗ ಆರ್ ಇಂಚ ಪಂಡೆರ್.
ಆರ್ಥಿಕವಾದ್ ಮುರ್ಕುದ್ ಪೋದಿತ್ತಿನ ಶ್ರೀಲಂಕಾದ ಅರ್ಥ ವ್ಯವಸ್ಥೆನ್ ಮಿತ್ತ್ ಕನಪುನೆಟ್ ಭಾರತೊದ ಕೈನ್ ಪುಗರೊಂದು, ಭಾರತದೊಟ್ಟುಗು ನನಲಾತ್ ಮುಟ್ಟ ಆಯೆರ ಬಯಕುವ ಪಂದ್‌ಲಾ ಪಂಡೆರ್.