ಕರ್ನಾಟಕ ಚುನಾವಣೆ : ತುಳು ಭಾಷೆದ ಮಾನಾದಿಗೆಗಾದ್ ನೋಟಾ ಕ್ಯಾಂಪೇನ್‌ದ ಅಟ್ಟನೆ, ‘ನಿಕುಲು ಬರೊಡ್ಚಿ, ಎಂಕುಲು ಓಟು ಪಾಡುಜ!’

Last updated on March 22nd, 2023 at 08:15 am

ರಾಜ್ಯ ಬೊಕ್ಕ ರಾಷ್ಟ್ರೀಯ ಮಟ್ಟೊಡು ತುಳು ಪರ ಉಪ್ಪುನ ಜನಕುಲು ಅಂಚೆನೆ ಸಂಘಟನೆಲೆನ ಒಟ್ಟುಗು ಮೀಂಟಿಂಗ್ ನಡಪುನ ಅಟ್ಟನೆ ನಡತೊಂದುಂಡು. ಬರ್ಪಿನ ಓಟುದ ಪೊರ್ತುಡು ತುಳು ಪರ ಪೊರುಂಬಾಟಗಾರೆರ್ ನೋಟಾ ಕ್ಯಾಂಪೇನ್ ಮಲ್ಪುನ ಅಟ್ಟನೆಲಾ ಮಲ್ತೊಂದುಲ್ಲೆರ್.

ತುಳುನು ರಾಜ್ಯದ ಅಧಿಕೃತ ಭಾಷೆ ಮಲ್ಪೊಡು ಪನ್ಪಿನ ಬೇಡಿಕೆ ಇನಿ ಕೋಡೆದ ಅತ್ತ್, ಆಡಳಿತ ಸರಕಾರ ಉಂದೆಕ್ ಸಮಿತಿ ಮಲ್ತ್ ಒಂಜಿ ವಾರೊಡು ವರದಿ ಕೇಂಡಲ ಅವೆರ್ದ್ ಬೊಕ್ಕ ದಾದ ಆಂಡ್ ಪನ್ದ್ ಏರೆಗ್ಲಾ ತೆರಿದಿಜ್ಜಿ. ಪೊರುಂಬಾಟಗಾರೆ ರಾಜೇಶ್ ಆಳ್ವೆರ್ ಪಾತೆರ್ದ್, ಕುಡ್ಲಡ್ ಬುದಾರ ನಡಪುನ ಮೀಟಿಂಗ್‌ಡ್ ನೋಟಾದ ಬಗೆಟ್ ಅಕೇರಿದ ನಿರ್ಣಯೊ ಮಲ್ಪುವ ಪನ್ದ್ ಪಂಡೆರ್.

ತುಳು ಪರ ಪೊರುಂಬಾಟಗಾರೆರ್ ಅಂಚೆನೆ ಸಂಘ ಸಂಸ್ಥೆಲು ಉಂದೆಕ್ ಒತ್ತೊಂದೆರ್. ಸರಕಾರ ಏತೋ ನೀತಿ ನಿಯಮೊಲೊನ್ ಮಲ್ತ್ಂಡ್ ಆಂಡ ತುಳುವೆರೆನ ಪಾತೆರೊಗು ಬಿಲೆ ಕೊರಿಜಿ. ಎಂಕುಲು ‘ನಿಕುಲು ಬರೊಡ್ಚಿ, ಎಂಕುಲು ಓಟು ಪಾಡುಜ’ ಪನ್ಪಿನ ಕ್ಯಾಂಪೇನ್ ಮಲ್ಪುನ ನಿರ್ಣಯ ಮಲ್ದ, ರಾಜಕೀಯ ಪಕ್ಷೊಲೆಗ್ ತುಳುತ ಬಗೆಟ್ ಉಪ್ಪುನ ಸಸಾರ ತೂದು ಎಂಕುಲು ಉಂದೆಕ್ ಜೈದಿನಿ. ತುಳುಕಾದ್ ನೋಟಾದ ಮೆಸೇಜುಲು ಮಾತಾ ಕಡೆಟ್ ಸೋಶಿಯಲ್ ಮೀಡಿಯೊಲೆಡ್ ತುಳುವೆರೇ ಪಟ್ಟೊಂದುಲ್ಲೆರ್ ಪನ್ದ್ ತೆರಿಪಾಯೆರ್.