Last updated on March 24th, 2023 at 03:41 pm
ಕರ್ನಾಟಕದ ಕೊಪ್ಪಳೊಡು 2019 ಡು ಭಾಷಣ ಮಲ್ಪುನಗ ಮೋದಿ ಪನ್ಪಿನ ಪುದರ್‌ಗ್ ಅವಮಾನ ಆಪಿಲೆಕ್ಕ ಪಾತೆರ್ದೆರ್ ಪನ್ದ್ ಉಂದು ಜಾತಿ ನಿಂದನೆದ ರೂಪೊಗು ತಿರ್ಗ್‌ದ್ ಗುಜರಾತ್‌ದ ಶಾಸಕೆ ಒರಿ ರಾಹುಲ್ ಗಾಂಧಿನ ಮಿತ್ತ್ ಮಾನನಷ್ಟ ಪ್ರಕರಂ ಪಾಡ್ದಿತ್ತೆರ್. ಇತ್ತೆ ಈ ಪ್ರಕರಣದ ವಿಚಾರಣೆ ಆದ್ ರಡ್ಡ್ ವರ್ಸ ಜೈಲ್ ಶಿಕ್ಷೆ ರಾಹುಲ್‌ಗ್ ಆದಿತ್ತ್ಂಡ್, ಆಂಡ ಉಂದು ಇತ್ತೆ ಅರೆನ ಲೋಕಸಭಾ ಸದಸ್ಯತ್ವ ವಜಾ ಆಪಿನಡೆಮುಟ್ಟ ಎತ್‌ತ್‌ದ್ಂಡ್. 1951ತ್ತ ಪ್ರಜಾಪ್ರತಿನಿಧಿ ಕಾಯ್ದೆದ 8ನೇ ಸಂಧಿದ ಪ್ರಕಾರ ರಾಹುಲ್ ಗಾಂಧಿನ ಲೋಕಸಭಾ ಸದಸ್ಯತ್ವೊನು ವಜಾ ಮಲ್ತ್ ಲೋಕಸಭಾ ಸೆಕ್ರಟಿಯೆರೇಟ್ ಅಧಿಸೂಚನೆ ಕೊರ್ತುಂಡು.
ಪ್ರಜಾಪ್ರತಿನಿಧಿ ಕಾಯ್ದೆದ ಪ್ರಕಾರ ಒವ್ವೇ ಜನಪ್ರತಿನಿಧಿ ಕಾನೂನುದ ಪ್ರಕಾರ ದೋಷಿಯಾದ್, ರಡ್ಡ್ ವರ್ಸ ಜೈಲ್ ಶಿಕ್ಷೆ ಘೋಷಣೆ ಆಂಡ ಅಕಲೆನ ಲೋಕಸಭಾ ಸದಸ್ಯತ್ವ ಪೋಪುಂಡು ಪನ್ದ್ ಉಂಡು. ರಾಹುಲ್ ಗಾಂಧಿ ಈ ಅಧಿಸೂಚನೊನ್ ಕುಡ ಕೋರ್ಟುಡು ಪಾಡೊಲಿ. ಒಂಜಿ ವೇಳೆ ಮಿತ್ತ್ ದ ಕೋರ್ಟುಲು ಈ ಆರೋಪೊಲೆರ್ದ್ ರಾಹುಲ್‌ರೆನ್ ಪಿದಯಿ ಕನತಿಜಿಡ ಆರ್ ನನ ದುಂಬಗ್ ಎಡ್ಮ ವರ್ಸ ಒವ್ವೇ ಓಟುಗು ಉಂತುಲೆಕ್ಕ ಇಜ್ಜಿ. ಕಾಂಗ್ರೇಸ್‌ದಕುಲು ಸೂರತ್ ಕೋರ್ಟುದ ಆದೇಶೊನು ಪ್ರಶ್ನಿಸಾದ್ ಮಿತ್ತ್ ಕೋರ್ಟುಗು ಅರ್ಜಿ ಪಾಡುವೆರ್ ಪನ್ದ್ ತೆರಿದ್ ಬೈದ್ಂಡ್.