Last updated on March 18th, 2023 at 07:29 pm
ಸುಕ್ರಾರ ದೊರಿನ ಜಡಿಬರ್ಸೊಗು ಪೊಸತಾದ್ ಲೋಕಾರ್ಪಣೆ ಆತಿನ ಬೆಂಗ್ಳೂರ್ – ಮೈಸೂರ್ ಎಕ್ಸ್‌ಪ್ರೆಸ್ ವೇಡ್ ಕೃತಕ ಪಲ್ಲ ಉಂಡಾತ್ಂಡ್. ರಾಮನಗರ ತಾಲೂಕ್‌ದ ಸಂಗಬಸವನದೊಡ್ಡಿ ಫ್ಲೈ ಓವರ್‌ದ ಬರಿತ ಸಾದಿಡ್ ನೀರ್ ಉಂತುದ್ ಜನೊಕ್ಲೆಗ್ ಬಾರಿ ಉಪದ್ರ ಆಂಡ್.
ಕರಿನ ವಾರೊಡಾತೆ ಬೆಂಗ್ಳೂರ್ – ಮೈಸೂರ್ ಎಕ್ಸ್‌ಪ್ರೆಸ್ ವೇ ಉದಿಪನ ಆದಿತ್ತ್ಂಡ್. ಉದಿಪನ ಆದ್ ಒಂತೆ ದಿನೊಟೇ ಬತ್ತನ ಬರ್ಸೊಗು ಸಾದಿಡ್ ನೀರ್ ಉಂತುದು ಜನಕ್ಲೆನ ಜೂವೊಗು ಸಂಚಿಕಾರ ಆಪುನೇಟ ಎತ್ತ್‌ದ್ಂಡ್. ಕೆಲ ಗಾಡಿಲು ತೆಟ್ಟ್‌ದ್ ಉತ್ಯಂಡ, ಕೆಲ ಗಾಡಿಲು ಒಂಜೆಕೊಂಜೆಕ್ಎಡ್ತ್‌ದ್ ಉಂತುದ. ಟ್ರಾಫಿಕ್ ಜಾಮ್‌ಲಾ ಆದ್ ತಡೆಗೋಡೆಗ್ ಎಡ್ತಿನ ಲಾರಿ ಬೊಕ್ಕ ಬರಿತ ಕಾರ್ ಡ್ರೈವರ್ ನೂಲುದಾತೆಟ್ ಬದ್‌ಕ್‌ದೆರ್.
ಬರ್ಸೊರ್ದಾವರ ಈ ಸಾದಿಡ್ ಒವ್ವೇ ಸಮಸ್ಯೆಲಾಪುಜ ಪಂದ್ ರಾಷ್ಟ್ರೀಯ ಪೆರ್ಸಾದಿ ಪ್ರಾಧಿಕಾರೊದ ಅಧಿಕಾರಿಲು ಪಂಡೆರ್ನ್ಡಲಾ, ಕಡೀರ್ದ ಬರ್ಸೊಗೇ ಈ ನಮೂನೆ ಆತ್ಂಡ್. ಆಂಡ ಪ್ರಾಧಿಕಾರೊದ ಒರಿಯೇ ಒರಿ ಅಧಿಕಾರಿ ಇಡೆ ಬೈಜೆರ್ ಪಂದ್ ತೆರಿದ್ ಬೈದ್ಂಡ್.
ಸುಮಾರ್ 130 ಕಿಲೋ ಮೀಟರ್ ಉದ್ದೊದ ದಶಪಥ ರಸ್ತೆ ಉ್ಂದಾದುಂಡು, ಇತ್ತೆನೇ ಶೇ. 80ದಾತ್ ಬೇಲೆ ಮುಗಿದ್ಂಡ್. ಬೆಂಗ್ಳೂರ್‌ರ್ದ್ ಮಂಡ್ಯಮುಟ್ಟದ ಮಾತಾ ಬೇಲೆಲು ಆತ.