ತಿರದಾಂತಿ ಮುರ್ಗೊಲೆನ ತಾಂಕನೆದ ಅಪ್ಪೆ ರಜನಿ ಶೆಟ್ಟಿಗ್ ಕುಡ್ಲ ಪ್ರೆಸ್ ಕ್ಲಬ್ ಪುರಸ್ಕಾರ

Last updated on March 8th, 2023 at 11:30 am

800 ದಾತ್ ತಿರದಾಂತಿ ನಾಯಿಲೆಗ್ ದಿನಾಲ ನುಪ್ಪು ಪಾಡುನ ಅಪ್ಪೆ ರಜನಿ ಶೆಟ್ಟಿ ಮೆರೆಗ್ ಈ ವರ್ಸದ ಕುಡ್ಲ ಪ್ರೆಸ್
ಕ್ಲಬ್ ಪುರಸ್ಕಾರ ಒಲಿದ್ ಬೈದ್ಂಡ್.

ಮಾರ್ಚ್ 5ಕ್ಕ್ ನಡತಿನ ಲೇಸ್‌ಡ್ ಈ ಪುರಸ್ಕಾರ ರಜನಿ ಶೆಟ್ಟಿಗ್ ಕೊರಿಯೆರ್. ಕರಿನ 22 ವರ್ಸೊರ್ದಿಂಚಿ ತಿರದಾಂತಿ ನಾಯಿಲು, ಮುರ್ಗೊಲೆಗ್ ವನಸ್ ಕೊರ್ದು ತಾಂಕುನ ಗುರ್ತೊನು ಅಜತ್ ಪ್ರೆಸ್ ಕ್ಲಬ್ ದಕುಲು ಮೆರೆಗ್ ಮಾನಾದಿಗೆ ಮಲ್ತೆರ್. ದಿನಾಲ 60ಕೆಜಿ ಅರಿ ಬೆಯಿಪಾದ್ ತನ್ನ ಮಗಲೆಲೆಟ್ಟುಗು ಸ್ಕೂಟರ್‌ಡ್ ಪೋದು ಕುಡ್ಲದ ಅಲ್ಪಲ್ಪ ಉಪ್ಪುನ ನಾಯಿಲೆಗ್ ವನಸ್ ಪಾಡುವೆರ್ ಮೇರ್.

ರಜನಿ ಅಕ್ಕೆರ್ ಪಾತೆರ್ದ್ ಮಸ್ತ್ ಜನ ಯಾನ್ ಮಲ್ಪುನ ಬೇಲೆಗ್ ವಿರೋಧ ಮಲ್ತೆರ್ ಆಂಡ ಅವೆನ್ ಮೂರ ಯಾನ್ ಸಹಿಸೊನಿಯೆ. ನಾಯಿಲೆಗ್ಲಾ ಮನುಷ್ಯೆರ್ಲೆಕ್ಕನೇ ಬದುಕುನ ಹಕ್ಕ್ ಉಂಡು ಪನ್ದ್ ಪಂಡೆರ್. ನಟೆ ರೂಪೇಶ್ ಶೆಟ್ಟಿ ಈ ಮಾನಾದಿಗೆ ಕರಿತೆರ್. ಕರ್ನಾಟಕ ಮಾಧ್ಯಮ ಅಕಾಡೆಮಿದ ಗುರ್ಕಾರೆ ಕೆ.ಸದಾಶಿವ ಶೆಣೈ ಇತ್ತೆರ್.