Last updated on March 13th, 2023 at 04:38 pm
ಇಲ್ಲದುಲಯಿ ಪೊಗ್ಗುದು ಅತ್ಯಾಚಾರ ಪುನೆಪು ಬತ್ತಿನ ನಡಕೆ ಉಬಾರ್ ಪೋಲೀಸ್ ಸ್ಟೇಷನ್ ವ್ಯಾಪ್ತಿಡ್ ನಡದ್ಂಡ್. ಆರೋಪಿಲೆನ್ ಪೋಕ್ಸೋ ಕಾಯ್ದೆದ ಅಡಿಟ್ ಬಂಧನ ಮಲ್ತೆರ್.
ಆರೋಪಿಲು ಇರ್ವೆರ್ಲಾ ಕರಿನ ಮೂಜಿ ದಿನೊರ್ದಿಂಚಿ ಅಲ್ಪ ಮರ ಕಡ್ಪುನ ಬೇಲೆ ಮಲ್ತೊಂದಿತ್ತೆರ್. ಈ ಪೊರ್ತುಡು ನೀರ್ ಕೇನುನ ಅಡ್ಡಿ ದೀವೊಂದು ಪೊಣ್ಣನ ಇಲ್ಲಗ್ ಪೋದಿತ್ತೆರ್. ಉಂದೆಟ್ ಹಸೈನಾರ್ ಪನ್ಪಿನಾಯೆ ಪೊಣ್ಣಗ್ ಒಂಜಿ ಚೀಟಿ ಕೊರ್ದು ಈ ನಂಬ್ರಗ್ ಫೋನ್ ಮಲ್ಪು ಇಜಿಂಡ ನಿನನ್ ಬುಡ್ಪುಜ ಪನ್ದ್ ಜೀವ ಬೆದರಿಕೆ ಪಾಡ್ದಿತ್ತೆಗೆ.
ಮನದಾನಿ ರಾತ್ರೆ 8 ಗಂಟೆಗ್ ಉಂಬೆ ಅಬ್ಬಾಸ್ ಪನ್ಪಿನಾಯನೊಟ್ಟುಗು ಬತ್ತ್ ಇಲ್ಲಗ್ ಪೊಗ್ಗುದು ಪೊಣ್ಣನ್ ಅತ್ಯಾಚಾರ ಮಲ್ಪರೆ ಪುನೆಪು ಬತ್ತೆ, ಈ ಪೊರ್ತು ಪೊಣ್ಣು ಬೊಕ್ಕ ಅಲೆನ ಅಪ್ಪೆ ಬೊಬ್ಬೆ ಪಾಡಿನ ತೂದು ಬರಿತಿಲ್ಲದಕುಲು ಬತ್ತ್ ಅಕಲೆನ ರಕ್ಷಣೆ ಮಲ್ತೆರ್. ಬೊಕ್ಕ ಮೊಕಲೆನ್ ಪತ್ತ್ ದ್ ಪೋಲೀಸೆರೆಗ್ ಒಪ್ಯಾಯೆರ್.