Last updated on March 27th, 2023 at 08:45 pm
ಪುತ್ತೂರು: ಪರತಿರಿಟ್ ಪುದರ್ ಪೋತಿನ ಪುತ್ತೂರು ಮಹತೋಭಾರ ಶ್ರೀ ಮಹಾಲಿಂಗೇಶ್ವರ ದೇಲಂತಡೆದ ಕೆದುಟುಪ್ಪುನ ವರುಣ ದೇಬೆರೆನ ಒರುಕ್ ಮಾರ್ಚ್ 27ತಾನಿ ಪೂಜೆ ಮಲ್ತೆರ್.
ಕೆದುತ ಅಭಿವೃದ್ಧಿ ಬೇಲೆ ನಡತೊಂದಿತ್ತ್‌ದ್, ಕೆದುತ ನಡುಟುಪ್ಪುನ ಕಟ್ಟೆನ್ ಪೊಸತಾದ್ ಕಲ್ಲ್‌ಡ್ ಕಟ್ಟುನ ಬೇಲೆ ನಡತೊಂದುಂಡು. ನೆಕ್ಕ್ ಬೋಡಾದ್ ಕಟ್ಟೆದ ಸುತ್ತ ಮಾತ್ರ ಕಾಫರ್‌ಡ್ರಮ್ ಪಾಡ್ದ್ ನೀರ್‌ನ್ ಪಿದಯಿ ಪಾಡ್ದೆರ್. ಈ ಪೊರ್ತುಡು ಏಪೊಲ ನೀರ್‌ದ ಗಂತ್‌ಡಿಪ್ಪೆದಿನ ವರುಣ ದೇಬೆರೆನ ಒರು ತೋಜಿದ್‌ಬೈದ್ಂಡ್. ಏಪೊಲ ತೂವರೆ ತಿಕ್ಕಂದಿನ ಈ ಅಪರೂಪೊದ ಒರುಕು ದೇಲಂತಡೆದ ಲೆಕ್ಕೊಡು ಪೂಜೆ ಮಲ್ತೆರ್.
ದೇಲಂತಡೆದ ಪ್ರಧಾನ ಅರ್ಚಕೆರಾಯಿನ ವಸಂತ ಕೆದಿಲಾಯೆರ್ ಪೂಜೆ ಮಲ್ತೆರ್. ಈ ಪೊರ್ತುಡು ವ್ಯವಸ್ಥಾಪನಾ ಸಮಿತಿದ ಗುರ್ಕಾರೆ ಕೇಶವ ಪ್ರಸಾದ್ ಮುಳಿಯ, ಪದುಕೆರ್, ವಾಸ್ತು ಇಂಜಿನಿಯರ್ ಪಿ. ಜಿ. ಜಗನ್ನಿವಾಸ ರಾವ್ ಅಂಚೆನೇ ನೂದೆರ್ದ್ ಮಿತ್ತ್ ಭಕ್ತೆರ್ ಒತ್ತು‌ಪಾಲ್‌ಡಿತ್ತೆರ್.