Last updated on March 23rd, 2023 at 11:02 am
ಹಾಸನ ಜಿಲ್ಲೆದ ಚನ್ನರಾಯಪಟ್ಟಣ ತಾಲೂಕ್‌ದ ಶ್ರೀಕ್ಷೇತ್ರ ಶ್ರವಣ ಬೆಳಗೊಳದ ಚಾರುಕೀರ್ತಿ ಭಟ್ಟಾರಕ ಸ್ವಾಮಿಲು ಕರಿನ ನಾಲ್ ತಿಂಗೊಲುರ್ದ್ ಉಸಾರ್‌ದಾಂತೆ ಇತ್ತೆರ್.
ಇನಿ ಕಾಂಡೆ ಸ್ವಾಮಿಲ್ನ ಆರೋಗ್ಯೊಡು ಒರರ್ದ್ ಒರಾನೆ ಎಚ್ಚಿ ಕಮ್ಮಿ ಆಯಿನೆರ್ದಾವರ ಮಠೊಕು ಬೈದ್ಯೆರೆನ್ ಲೆಪ್ಪಾದ್ ಯರ್ದ್ ಮಲ್ತ್ಂಡಲಾ ಪೆರೆಜನ ಆವಂದೆ ಸ್ವಾಮಿಲು ತೀರ್ದೆರ್.
ಮೂಲತಃ ಕಾರ್ಲದ ವರಂಗ ಗ್ರಾಮೊದಾರಾಯಿನ ಸ್ವಾಮಿಲೆನ ಮೂಲ ಪುದರ್ ರತ್ನವರ್ಮೆ ಪಂದ್. 12 ವರ್ಸ ವಾಹನ ಸಂಚಾರ ಮನ್ಪಂದಿನ ಮೇರ್ ಈತ್‌ನೇಟ ಮೊಬೈಲ್ ಗಲಸಂದಿನವು ಬಾರಿ ಇಸೇಸ. ಮೇರ್ ದವಹ ಬೊಕ್ಕ ಜಯದವಳ ಆಗಮ ಗ್ರಂಥ ಬರೆತೆರ್. ಮೇರ್ 7 ಸರ್ತಿ ಮಹಾಮಸ್ತಕಾಭಿಷೇಕ ಮಲ್ದೆರ್.
ಶ್ರೀಕ್ಷೇತ್ರ ಶ್ರವಣ ಬೆಳಗೊಳದ ಪರಮಪೂಜ್ಯ ಜಗದ್ಗುರು ಕರ್ಮಯೋಗಿ ಸ್ವಸ್ತಿಶ್ರೀ ಚಾರುಕೀರ್ತಿ ಭಟ್ಟಾರಕ ಪಟ್ಟಾಚಾರ್ಯ ಮಹಾಸ್ವಾಮಿಲು ತೀರ್ದಿನೆಕ್ ಸಿಎಂ ಬೊಮ್ಮಾಯಿ ಸೇರ್ದ್ ಮಸ್ತ್ ಗಣ್ಯೆರ್ ಬೆಸರ್ ತೋಜಾದೆರ್. ಪೂಜ್ಯೆರ್ ತೀರ್ದಿನ ನಾಡ್‌ಗ್ ದಿಂಜವೆರಾವಂದಿನ ನಷ್ಟ. ಆರೆಗ್ ಸದ್ಗತಿ ತಿಕ್ಕಡ್ ಪಂದ್ ಬೊಮ್ಮಾಯಿ ಟ್ವೀಟ್ ಮಲ್ದೆರ್