Last updated on March 24th, 2023 at 02:29 pm
ತುಂಗಾ ಸುದೆಕ್ ಪೆತ್ತದ ತರೆ ಕಡ್ತ್‌ದ್ ದಕ್ಕಿನ ನಡಕೆ ತೀರ್ಥಹಳ್ಳಿದ ಚಕ್ರತೀರ್ಥಡ್ ನಡತ್‌ದ್ಂಡ್.
ಚಕ್ರತೀರ್ಥ ಶಂಖ, ಚಕ್ರ, ಗದಾ, ಪದ್ಮ ಪನ್ಪಿ ನಾಲ್ ಪವಿತ್ರ ತೀರ್ಥೊಲೆನ ಸಂಗಮ ಜಾಗೆ ಆದುಂಡು. ಮೀಯೆರ ಪಂದ್ ಮುಲ್ಪದಕುಲು ಸುದೆಕ್ ಜಪ್ಪನಗ ಈ ವಿಸಯ ಬೊಲ್ಪುಗ್ ಬೈದ್ಂಡ್. ಪೆತ್ತೊದ ತರೆ ಬುಡ್ದ್ ಮಾಸ ಪತೊಂದು ಪೋತೆರ್ ಪಂದ್ ಪನ್ತೆರ್. ಉ್ಂದು ತೀರ್ಥಹಳ್ಳಿ ಪೋಲೀಸೆರೆನ ವೈಫಲ್ಯ ಪಂದ್ ಜನೊಕುಲು ಆಕ್ರೋಶ ತೂಪಾವೊಂದುಲ್ಲೆರ್.
ಉ್ಂದೆಕ್ ದುಂಬುಲಾ ಪೆತ್ತೊಲೆನ ಕೆರ್ಪಟಿಗೆ ನಡತೊಂದಿತ್ತ್ಂಡ್. ಶಿವಮೊಗ್ಗದ ಸೂಳೆಬೈಲ್‌ದ ಅಕ್ರಮ ಕಸಾಯಿಖಾನೆಡ್ ಶೆಡ್ ಮಲ್ತ್‌ದ್ ಮಾಸೊಗಾದ್ ಪೆತ್ತೊಲೆನ್ ಕೆರೊಂದಿತ್ತೆರ್. ಪೋಲೀಸೆರೆನ ದಾಳಿಗ್ ದುಂಬು 7 ಪೆತ್ತೊಲೆನ್ ಕೆರ್ದಿತ್ತೆರ್. ಇಸಯ ತೆರಿದ್ ಮಹಾನಗರ ಪಾಲಿಕೆ ಆ ಶೆಡ್‌ನ್ ಜರ್ತಿತ್ತೆರ್.
ಇತ್ತೆ ಸುದೆಟ್ ಪೆತ್ತದ ತರೆ ತಿಕ್ಕಿನೆರ್ದಾವರ ಜನೊಕ್ಲೆನ ಪಿಸ್‌ರ್ ಏರ್ದ್ಂಡ್. ಅಕ್ರಮ ಬೇಲೆಲೆನ್ ಅಂಕೆಡ್ ದೀವರೆ ಪೋಲೀಸೆರ್ ದಾಲ ಮಲ್ತೊಂದಿಜ್ಜೆರ್ ಪಂದ್ ತನ್ಕುಲೆ ಆಕ್ರೋಶ ತೂಪಾವೊಂದುಲ್ಲೆರ್.