Last updated on March 24th, 2023 at 11:23 am
ಉಬಾರ್: ಮಗಲ್ನ ಮದಿಮೆಗ್ ಬಂಗಾರ್ ದೆಪ್ಪೆರೆ ಬೋಡಾದ್ ಸ್ಕೂಟರ್‌ಡ್ 10 ಲಕ್ಷ ರೂಪಾಯಿ ಕೊಂಡೊದು ಪೋಪುನ ಪೊರ್ತುಡು ಇಳಂತಿಲ ಗ್ರಾಮೊದ ಪೆದಮಲೆ ಸರಳಿಕಟ್ಟೆ ಸಾದಿಡ್ ರಿಫಾಯಿನಗರ ಪನ್ಪಿನವುಲು ಗುರ್ತದಾಂತಿನ ಜವನೆ ಒರಿ ಕಾಸ್ ಲಕ್ಕಾಯಿನ ಪ್ರಕರಣೊಡು ಉಬಾರ್ ಪೋಲೀಸೆರ್ ಒರಿ ಆರೋಪಿನ್ 9 ಲಕ್ಷ ರೂಪಾಯಿ ಕಾಸ್‌ದೊಟ್ಟುಗು ಅರೆಸ್ಟ್ ಮಲ್ದೆರ್.
ಇಳಂತಿಲ ಗ್ರಾಮೊದ ಕಾಯರ್ಪಾಡಿ ನಿವಾಸಿ ಮುಹಮ್ಮದ್ ಕೆ (60) ಪನ್ಪಿನಾರ್ ತನ್ನ ಮಗಲ್ನ ಮದಿಮೆಗ್ ಪದ್ದೆಯಿಬಂಗಾರ್ ದೆಪ್ಪೆರೆ ಬೋಡಾದ್ ಒಟ್ಟು ಮಲ್ತಿನ ಒಯ10 ಲಕ್ಷ ರೂಪಾಯಿನ್ ಕುಂಟುದ ಚೀರಾವುಡ್ ದಿಂಜದ್ ಸ್ಕೂಟರ್‌ದ ಸೀಟ್‌ದಡಿಟ್ ದೀವೊಂದುಪ್ಪುನ ಪೊರ್ತುಡು ಪಿರವುಡೆ ಬತ್ತಿನಾಯೆ ಒರಿ ಕಾಸ್‌ದ ಕಟ್ಟ್‌ನ್ ಒಯ್ತೊಂದು ಬಲ್ತ್‌ದೆ.
ಎಸ್ಐ ಲವಿ ಬಿ. ಎಸ್ ರೆನ ಮುತಾಲಿಕೆಡ್ ಜಡ್ತೆ ಮಲ್ತ್‌ದ್ ಈ ಪ್ರಕರಣೊಡು ಪಾಲ್‌ಗೆತೊಂದಿನ ಆರೋಪಿಲೆಡೊರಿ ಇಳಂತಿಲ ಗ್ರಾಮೊದ ಕಡಪುದಬಾಕಿಲ್ ನಿವಾಸಿ ಅಬ್ದುಲ್ ಖಾದ್ರಿರೆನ ಮಗೆ ಮುಸ್ತಫ(41) ನ್ ಅರೆಸ್ಟ್ ಮಲ್ತ್‌ದ್ 9 ಲಕ್ಷ ರೂಪಾಯಿನ್ ಪತ್ತ್‌ದೆರ್. ಕೂಯುಡೊರಿ ಆರೋಪಿ 1 ಲಕ್ಷ ರೂಪಾಯಿದ ಒಟ್ಟುಗು ದೆಂಗ್‌ತಪ್ಪಾದೆ ಪಂದ್ ತೆರಿದ್‌ಬೈದ್ಂಡ್.