Last updated on March 20th, 2023 at 02:19 pm
ಪಾರ್ಕಿಂಗ್‌ಗ್ ಉಂತಾದಿತ್ತಿನ ರಿಕ್ಷಾ ಡ್ರೈವರ್ ಒರ್ಯಗ್ ಒರಿದಿನ ರಿಕ್ಷಾ ಡ್ರೈವರ್‌‌ನಕುಲು ಸಮ ಆಕ್‌ದಿನ ನಡಕೆ ಪಣಂಬೂರು ಬೀಚ್‌ಡ್ ನಡತ್‌ದ್ಂಡ್. ಗಡಿಕುಲಾತಿನ ಡ್ರೈವರ್‌ನ್ ಹೇಮಚಂದ್ರೆ ಪಂದ್ ಗುರ್ತಪತ್ತ್‌ದೆರ್.
ಕೋಡೆ ಬಯ್ಯಡ್ ಪ್ರಯಾಣಿಕೆ ಒರ್ಯನ ಬಾಡಿಗೆದ ಮಿತ್ತ್ ಹೇಮಚಂದ್ರೆರ್ ಪಣಂಬೂರು ಪಾರ್ಕ್‌ಗ್ ಬತ್ತಿತ್ತೆರ್. ಈ ಪೊರ್ತು ಅಡೆ ಬತ್ತಿನ ಪತ್ತ್ ಜನ ರಿಕ್ಷಾ ಡ್ರೈವರ್‌ನಕಲಾನ ಕೂಟ “ಈ ಮುಲ್ಪ ಬಾಡಿಗೆಗ್ ಉಂತೆರೆ ಬಲ್ಲಿ, ಉ್ಂದು ಎಂಕ್ಲೆನ ಏರಿಯಾ. ಮುಲ್ಪ ಎಂಕುಲು ಮಾತ್ರ ಬಾಡಿಗೆ ಮಲ್ಪುನ” ಪಂದ್ ಜೋರು ಮಲ್ದೆರ್.
ಬೊಕ್ಕ ಕಣ್ಣ್, ಕೈಕಾರ್ ಸೇರ್ದ್ ಮರ್ಮಾಂಗೊಗ್ಲಾ ಆಕ್‌ದೆರ್. ಆತನಗ ಅಡೆ ಬತ್ತಿನ ಪೋಲೀಸ್ ಕಾನ್‌ಸ್ಟೇಬಲ್‌ಲಾ ಎಂಕ್ ನೆರ್ದ್ ಕಡಪುಡ್ದೆರ್ ಪಂದ್ ಹೇಮಚಂದ್ರೆರ್ ಕೊರ್ತಿನ ಒಯಿಲ್‌ಡ್ ಬರೆತೆರ್. ಗಾತಿದ ಪೆಟ್ಟಾತಿನ ಡ್ರೈವರ್ ಇತ್ತೆ ವೆನ್‌ಲಾಕ್ ಆಸ್ಪತ್ರೆಡ್ ಮರ್ದ್ ಮಲ್ತೊಂದುಲ್ಲೆರ್.