Last updated on March 4th, 2023 at 10:54 am
ತುಮ್ಬೆಗ್ ನೀರ್ ಎತ್ತುಲೆಕ್ಕ ಕುಡ್ಲ ಜಿಲ್ಲೆಡ್ ಬರ್ಸ ಬತ್ತಿಜಿಡ ಬೇಗೊಡೆ ಕುಡ್ಲಡ್ ನೀರ್‌ಗ್ ಎತ್ವಾರ ಬರ್ಪಿಲೆಕ್ಕ ಉಂಡು. ನನ ಒಂತೆ ದಿನೊಟೇ ನೀರ್ದ ರೇಶನಿಂಗ್ ಸುರು ಆಪಿಲೆಕ್ಕ ತೋಜೊಂದುಂಡು.
ಕುಡ್ಲ ಪಾಲಿಕೆದ ಮೇಯರ್ ಜಯಾನಂದ್ ಅಂಚನ್ ಪಾತೆರ್ದ್ ಬಂಟ್ವಾಳದ ತುಮ್ಬೆ ಡ್ಯಾಮ್‌ಡ್ 5.95 ಮೀಟರ್ ನೀರ್ ಉಂಡು. ಆಂಡ ಇತ್ತೆ ನೇತ್ರಾವತಿಡ್ ಒವ್ವೇ ನೀರ್ದ ಉಲಪರಪು ಇಜ್ಜಿ ಅಂಚಾದ್ ಡ್ಯಾಮ್‌ದ ನೀರ್ ನನಲಾತ್ ಆಜುಂಡು. ಇಂಜಿನಿಯರ್ನಕಲೆಗ್ ಎಪ್ರೀಲ್ ತಿಂಗೊಲುರ್ದು ಎಂಚ ನೀರ್ ಒರಿಪಾವೊಲಿ ಪನ್ದ್ ಯೋಜನೆ ಮಲ್ಪರೆ ತೆರಿಪಾದೆ ಪನ್ದ್ ಪಂಡೆರ್.
ಮಾರ್ಚ್-ಎಪ್ರೀಲ್‌ಡ್ ಮಿನಿ ಒರದ ಬರ್ಸ ಬತ್ತ್ಂಡ ನೀರ್‌ಗ್ ಎತ್ವಾರ ಬರಂದ್. ಜನಕುಲು ನೀರ್‌ನ್ ತೂದು ಗಲಸೊಡು. ಪರ್ಪಿನ ನೀರ್‌ನ್ ಗಾಡಿ ದೆಕ್ಕರೆ ಪೂರ ಗಲಸರೆ ಬಲ್ಲಿ ಪನ್ದ್ ಪಂಡೆರ್.
ಒಂಜಿ ಕಡೆಟ್ ಕರ್ನಾಟಕ ಸರಕಾರ ನೇತ್ರಾವತಿನ ಮುದೆಲ್‌ಗೇ ಕೊಡರಿ ಪಾಡ್ದ್ ಎತ್ತಿನಹೊಳೆ ಯೋಜನೆ ಮಲ್ತ್ ನೀರ್‌ನ್ ಕೊನೊವರೆ ತೂವೊಂದುಂಡು. ನನ ರಡ್ಡ್ ವರ್ಸೊಡು ಉನ್ದು ರೆಡಿಯಾಪುಂಡು ಪನ್ದ್ ತೆರಿದ್ ಬೈದ್ಂಡ್. ನನೊಂಜಿ ಕಡೆಟ್ ವರ್ಸೊರ್ದು ವರ್ಸ ಕುಡ್ಲಡ್ ನೀರ್‌ಗ್ ಕುಂದೆಲ್ ಬರೊಂದುಂಡು.