Last updated on March 9th, 2023 at 09:02 pm
ಕುಡ್ಲಗ್ ನೀರ್ ಕೊರ್ಪಿನ ತುಂಬೆ ಡ್ಯಾಮ್‌ಗ್ ಬರ್ಪಿನ ಉಲಪರಪು ಪತ್ತ ಕಮ್ಮಿ ಆತ್ಂಡ್. ಎಪ್ರೀಲ್‌ದ ಅಕೇರಿ ಮುಟ್ಟ ಬರ್ಸ ಬತ್ತ್‌ಜಿಡ ಕುಡ್ಲಗ್ ನೀರ್‌ದ ಬರ ಬರ್ಪಿನ ಗ್ಯಾರಂಟಿ. ನನ ಐವ ದಿನೊಕು ಆಪಿನಾತ್ ಮಾತ್ರ ನೀರ್ ಉಪ್ಪುನು ಡ್ಯಾಮ್‌ಡ್.
ಕರಿನ 2019ಡು ಒರ ಇಂಚಿನವೇ ಪರಿಸ್ಥಿತಿ ಬೈದಿತ್ತ್ಂಡ್. ಜನಕುಲು ಅದೋಟು ನೀರ್ ಗಲಸ್‌ಜೆರ್ಡ ಅಂಚಿನವೇ ಪರಿಸ್ಥಿತಿ ಈ ಸಲಲಾ ಬರ್ಪುಂಡು. ಕುಡ್ಲ ಮಹಾನಗರ ಪಾಲಿಕೆ ಸದ್ಯೊಗು ಕಟ್ವಾನ ಕಟ್ಟುನಕಲೆಗ್, ಪೊಸ ಕಂಪೆನಿಲೆಗ್ ನೀರ್ ಕೊರ್ಪಿನೆನ್ ಉಂತಾದ್ಂಡ್. ಇತ್ತೆ ಉಪ್ಪುನ ಇಂಡಶ್ಟ್ರಿಲೆಗ್ ಅದೊಟು ನೀರ್ ಗಲಸರೆ ಪಂತ್ಂಡ್.