ಪ್ರಧಾನಿ ಮೋದಿಯೆರೆಗ್ ತಿಕ್ಕರೆಗುಂಡಾ ಈ ಸರ್ತಿದ ನೋಬೆಲ್ ಶಾಂತಿ ಪುರಸ್ಕಾರ?

Last updated on March 16th, 2023 at 11:25 am

ಸಿನಿಮಾ ಕ್ಷೇತ್ರೊದ ಮಾಮಲ್ಲ ಮಾನಾದಿಗೆ ಆಸ್ಕರ್ ಏರೆಗ್ ತಿಕ್ಕುಂಡು ಏರೆಗ್ ತಿಕ್ಕುಂಡು ಪಂದ್ ಇತ್ತಿನ ಸೋದ್ಯಗ್ ಸದು ತಿಕ್ಕ್ಂಡ್. ಆಂಡ ಇತ್ತೆ ಇಸ್ವೊಡೇ ಮಾಮಲ್ಲ ಮಾನಾದಿಗೆ ‘ನೋಬೆಲ್ ಶಾಂತಿ ಪ್ರಶಸ್ತಿ’ ಏರೆಗ್ ತಿಕ್ಕುಂಡು ಪನ್ಪಿನ ಸೋದ್ಯ ಸುರುವಾತ್ಂಡ್. ಈ ಸರ್ತಿದ ನೋಬೆಲ್ ಶಾಂತಿ ಪುರಸ್ಕಾರ ಭಾರತೊದ ಪ್ರಧಾನಮಂತ್ರಿ ನರೇಂದ್ರ ಮೋದಿಯೆರೆಗ್ ತಿಕ್ಕುಂಡಾ ಪನ್ಪಿನ ಇಸಯ ಇತ್ತೆ ಬಾರಿ ಚರ್ಚೆಡುಂಡು.

ರಷ್ಯಾ ಬೊಕ್ಕ ಉಕ್ರೇನ್‌‌ದ ನಡುಟು ಯುದ್ದ ನಡತೊಂದುಪ್ಪುನಗನೇ ಸಹಜವಾದ್ ಈ ಮಾನಾದಿಗೆ ಏರೆಗ್ ತಿಕ್ಕುಂಡು ಪನ್ಪಿನ ಸೋದ್ಯ ಇಪ್ಪುಂಡೇ. ನೊಬೆಲ್‌ ಪ್ರಶಸ್ತಿ ಸಮಿತಿದ ಒತ್ತು ಗುರ್ಕಾರೆ ಅಸಲ್ ತೋಜೆ ಮಹತ್ವೊದ ಪಾತೆರ ಪನ್ತೆರ್. ಭಾರತೊದ ಪ್ರಧಾನಿ ನರೇಂದ್ರ ಮೋದಿಯೆರೇ ಈ ಸರ್ತಿದ ನೋಬೆಲ್‌ ಶಾಂತಿ ಪ್ರಶಸ್ತಿಗ್ ಮಲ್ಲ ಸ್ಪರ್ಧಿ ಪನ್ಪಿನ ಮುಖೇನ ಮೋದಿಯೆರೆಗ್ ಈ ಮಾನಾದಿಗೆ ತಿಕ್ಕುನ ಸುಳುವು ಕೊರ್ತೆರ್.

ನೆತ್ತ ಬಗ್ಗೆ ಪಾತೆರ್ದಿನ ಅಸಲ್ ತೋಜೆ, ಭಾರತೊದ ಪ್ರಧಾನಿ ನರೇಂದ್ರ ಮೋದಿಯೆರ್ ಇನಿ ಇಶ್ವೊದ ಶಾಂತಿದ ಮಾಮಲ್ಲ ವಿಶ್ವಾಸಾರ್ಹ ಪುದರ್ ಪಂದ್ ಪುಗರ್ದೆರ್. ಮೋದಿಯೆರೆ ಅಭಿಮಾನಿಲಾ ಆದುಪ್ಪುನ ಅಸಲ್ ತೋಜೆ, ಪ್ರಧಾನಿ ಮೋದಿಯೆರ್ ಲೋಕೊದ ವಾ ಯುದ್ಧೊನ್ಲಾ ಉಂತಾವುನ ತಂಕ ಇಪ್ಪುನ ನಾಯಕೆರ್ ಅಂಚೆನೇ ಆರೆರ್ದ್ ಮಾತ್ರ ಶಾಂತಿ ಕಾತೊನೆರೆ ಸಾಧ್ಯ ಪಂದ್ ಪನ್ತೆರ್.