Last updated on March 17th, 2023 at 04:35 pm
ತತ್ತ್‌ದ್ ರಬ್ಬರ್ ಟ್ಯಾಪಿಂಗ್‌ದ ಕತ್ತಿ ತಿಗಲೆಗ್ ಕಂತ್‌ದ್ ಪೊಂಜೊವು ಒರ್ತಿ ತೀರ್ದಿನ ನಡಕೆ ಕಡಬ ತಾಲೂಕುದ ಎಡಮಂಗಿಲಡ್ ಇನಿ ನಡತ್‌ದ್ಂಡ್.
ಎಡಮಂಗಿಲ ಗ್ರಾಮೊದ ಬಳಕ್ಕಬೆದ ಶಿವರಾಮೆರ್ನ ಬೊಡೆದಿ ಗೀತಾ ಪನ್ಪಿನಾರ್ ಟ್ಯಾಪಿಂಗ್ ಕತ್ತಿ ಆಕಸ್ಮಿಕವಾದ್ ಕಂತ್‌ದ್ ಪೆರಣ ಬುಡ್ತೆರ್.
ಗೀತಾ ತನ್ನನೇ ರಬ್ಬರ್ ತೋಟೊಡು ಕಾಂಡೆದ ಟ್ಯಾಪಿಂಗ್ ಬೇಲೆ ಮುಗಿತ್‌ದ್ ಸುಮಾರ್ 7 ಗಂಟೆದ ಅಂದಾಜಿಗ್ ಪಿರ ಇಲ್ಲಗ್ ಬರೊಂದುಪ್ಪುನಗ ಡಂಕ್‌ದ್ ಬೂರ್ದೆರ್. ಬೂರ್ನಗ ಪರ್ತೆದ ಕತ್ತಿ ತಿಗಲೆಗ್ ಪೊಗ್ಗುದ್ ತೀರ್ದೆರ್ ಪಂದ್ ಆರೆನ ಕಂಡನಿ ಪೋಲೀಸೆರೆಗ್ ಕೊರ್ತಿನ ಒಯಿಲ್‌ಡ್ ತೆರಿಪಾದೆರ್.
ಬೆಳ್ಳಾರೆ ಪೋಲೀಸೆರ್ ಪ್ರಕರಣ ದಾಕಲ್ ಮಲ್ತೊಂದು, ಜಡ್ತೆ ಮನ್ತೊಂದುಲ್ಲೆರ್.