Last updated on March 27th, 2023 at 10:56 am
ಬಂಟ್ವಾಳ : ನೇತ್ರಾವತಿ ಸುದೆಕ್ ಲಾಗಿದ್ ಜವನೆ ಒರಿ ಆತ್ಮಹತ್ಯೆ ಮಲ್ತೊಂದಿನ ನಡಕೆ ಬಂಟ್ವಾಳದ ಗೂಡುದಬರಿ ಪನ್ಪಿನಲ್ಪ ಐತಾರ ಮಧ್ಯಾಹ್ನ ನಡತ್‌ದ್ಂಡ್.
ಪುತ್ತೂರ್‌ದ ಕೆಮ್ಮಿಂಜೆ ನಿವಾಸಿ ವಿಘ್ನೇಶ್ ಕಾಮತ್ (32) ಆತ್ಮಹತ್ಯೆ ಮಲ್ತೊಂದಿನ ಜವನೆ. ಐತಾರ ಮಧ್ಯಾಹ್ನ ಸ್ಕೂಟರ್‌‌ಡ್ ಪಾಣೇರ್ ಗೂಡುದಬರಿಕ್ ಬತ್ತಿನ ವಿಘ್ನೇಶ್ ಅಲ್ಪನೇ ನೇತ್ರಾವತಿ ಪರ ಸಂಕೊದ ಬರಿಟ್ ಸ್ಕೂಟರ್ ಉಂತದ್ ಸುದೆಕ್ ಲಾಗಿದೆರ್. ಅಪಗನೇ ಮುಟ್ಟದ ಮೀಂದುನಕುಲು ಸುದೆಕ್ ಲಾಗಿದ್ ಆಯನ್ ಬದ್‌ಕಾವುನ ಪುನೆಪು ಮಲ್ತೆರ್ನ್ಡಲಾ ಬದ್‌ಕಾವರೆ ಆತಿಜಿ. ಬೊಕ್ಕ ವಿಘ್ನೇಶ್‌ನ ಪುಣೊನು ಮಿತ್ತ್ ಕನತ್ ದ್ ಪೊಲೀಸೆರೆಗ್ ತೆರಿಪಾದೆರ್.
ಜಾಗೆಗ್ ಬಂಟ್ವಾಳ ನಗರ ಪೊಲೀಸೆರ್ ಬತ್ತ್‌ದೆರ್. ಬಂಟ್ವಾಳ ನಗರ ಪೊಲೀಸ್ ಸ್ಟೇಷನ್‌ಡ್ ಪ್ರಕರಣ ದಾಕ್ಲಾತ್ಂಡ್. ಆತ್ಮಹತ್ಯೆಗ್ ಕಾರಣ ತೆರಿದ್‌ಬೈದಿಜಿ.