Last updated on April 19th, 2023 at 09:16 am
ಕಡಬ: ಕುಕ್ಕೆ ಸುಬ್ರಹ್ಮಣ್ಯೊಗು ಕಾರ್‌ಡ್ ಪಿದಡ್ದಿತ್ತಿನ ಒಂಜಿ ಕುಟುಮೊದ ನಾಲ್ ಜನ ಎಡ್ತೆಡ್ ಅಲ್ಪನೇ ತೀರ್ದಿನ ನಡಕೆ ಕೋಡೆ ಬಯ್ಯನಗ ಉಬಾರ್ ಸುಬ್ರಹ್ಮಣ್ಯ ರಾಜ್ಯ ಪೆರ್ಸಾದಿದ ನೆಟ್ಟಣ ಪನ್ಪಿನಲ್ಪ ನಡತ್‌ದ್ಂಡ್.
ಕುಕ್ಕೆ ಸುಬ್ರಹ್ಮಣ್ಯಗ್ ಪೋವೊಂದಿತ್ತಿನ ಆಲ್ಟೋ ಕಾರ್ ಬೊಕ್ಕ ತೂಫಾನ್ ಜೀಪ್‌ದ ನಡುಟ್ ನಡತಿನ ಎಡ್ತೆಡ್ ಒಂಜಿ ಬಾಲೆ ಸೇರ್ದ್ ನಾಲ್ ಜನ ತೀರ್ದ್, ಕೆಲ ಜನೊಕು ಗಾತಿದ ಪೆಟ್ಟ್‌ಲಾತ. ಕಿನ್ಯಮಗಲ್ನೂರ್ ಜಿಲ್ಲೆದ ಬೇಳೂರು ಮೂಲೊದ ಕಾರ್‌ಡ್ ಒಂಜಿ ಕುಟುಮೊದಕುಲು ಕುಕ್ಕೆ ಸುಬ್ರಹ್ಮಣ್ಯಗ್ ಪೋವೊಂದಿತ್ತೆರ್. ತೂಫಾನ್ ಜೀಪ್ ಕುಕ್ಕೆರ್ದ್ ಕುಡುಮಗ್ ಪೋವೊಂದಿಪ್ಪುನಗ ನೆಟ್ಟಣ ಸಂಕದಲ್ಪ ಎಡ್ತೆ ನಡತ್‌ದ್ಂಡ್. ಎಡ್ತಿನ ಪೆಟ್ಟ್‌ಡ್ ಕಾರ್ ಬೊಕ್ಕ ಜೀಪ್ ಸಾದಿರ್ದ್ ರಟ್ಟ್‌ದ್ ಪೋತ. ಕಾರ್‌ಡಿತ್ತಿನ ಒಂಜಿ ಬಾಲೆ, ರಡ್ಡ್ ಆಂಜೊವುನಕ್ಲ್ ಬೊಕ್ಕ ಒಂಜಿ ಪೊಂಜೊವು ತೀರ್ದೆರ್.
ತೂಫಾನ್ ಜೀಪ್‌ಡಿತ್ತಿನಕಲೆಗ್ಲಾ ಗಾತಿದ ಗಡಿಕುಲಾತ. ಮೊಕುಲು ಹಾಸನ ಮೂಲೊದಕುಲು ಪಂದ್ ತೆರಿದ್‌ಬೈದ್ಂಡ್. ಪೆಟ್ಟಾತಿನಕಲೆನ್ ಆಸ್ಪತ್ರೆಗ್ ಸೇರಾದ್ಂಡ್