Last updated on April 30th, 2023 at 06:23 pm
ಉಕ್ರೇನ್‌ದ ರಕ್ಷಣಾ ಇಲಾಖೆದ ಅಧಿಕೃತ ಅಕೌಂಟ್‌ರ್ದ್ ಪೋಸ್ಟ್ ಮಲ್ದಿನ ಟ್ವೀಟ್‌ಡ್ ಅಪ್ಪೆ ಕಾಳಿನ್ ಮಕ್ಕರ್ ಮಲ್ಪುನ ರೀತಿಡ್ ತೂಪಾದೆರ್.
ಉಕ್ರೇನ್ ರಕ್ಷಣಾ ಇಲಾಖೆದ ಈ ಕುಚೋದ್ಯೊಗು ಬಾರಿ ಆಕ್ರೋಶ ತೋಜಿದ್‌ಬರೊಂದುಂಡು. ಉ್ಂದು ಬಜೀ ನೀಚ ಕೃತ್ಯ ಅಂಚೆನೇ ಹಿಂದೂಫೋಬಿಕ್ ಪಂದ್ ಭಾರತದ ನೆಟಿಜನ್ಸ್ ಪಿಸ್‌ರ್ ತೋಜಾದೆರ್. ಪ್ರಸಾರ ಬೊಕ್ಕ ಒಲವು ಸಚಿವಾಲಯೊದ ಪೆರಿಯ ಸಲಹೆಗಾರೆ ಕಾಂಚನ್ ಗುಪ್ತಾ ಈ ಬಗ್ಗೆ ಬರೆತೆರ್. ಇಂಚಿಪ್ಪೊಗು ಉಕ್ರೇನ್ ಉಪ ವಿದೇಶಾಂಗ ಸಚಿವೆರ್ ಭಾರತೊದ ಬೆರಿತಾಂಗ್ ಕೇನೆರ ದೆಲ್ಲಿಗ್ ಬತ್ತಿತ್ತೆರ್. ಉ್ಂದೆತ ಪಿರವು ಉಕ್ರೇನ್ ಸರ್ಕಾರೊದ ನಿಜ ರಂಗ್ ದೆಂಗ್‌ದುಂಡು ಪಂದ್ ಆಕ್ರೋಶ ತೋಜಾದೆರ್.
ಚಿತ್ರೊಡು ಸ್ಫೋಟೊರ್ದು ಉಂಡಾತಿನ ಪುಗೆತ ನಡುಟು ಅಪ್ಪೆ ಕಾಳಿ ಇಪ್ಪುನಂಚಿನ ಚಿತ್ರ ಮಲ್ತ್‌ದೆರ್. ಈ ಚಿತ್ರದೊಟ್ಟುಗು ಅಧಿಕೃತ ಟ್ವಿಟರ್ ಅಕೌಂಟ್ ‘ವರ್ಕ್ ಆಫ್ ಆರ್ಟ್’ ಪಂದ್ ಬರೆಯೊಂದ್ಂಡ್. ಐತಾರ ಪ್ರಕಟ ಆತಿನ ಈ ಪೋಸ್ಟ್‌ಡ್ , ಬಾಲಿವುಡ್, ಹಾಲಿವುಡ್ ನಟಿ ಮರ್ಲಿನ್ ಮನ್ನೋ ರೆನ ಸ್ಕರ್ಟ್ ಮಿತ್ತ್ ರಾತಿನ ಚಿತ್ರೊಗು ಒಂಬುಲೆಕ ಅಪ್ಪೆ ಕಾಳಿನ ಚಿತ್ರೊನು ಮಾರ್ಫಿಂಗ್ ಮಲ್ದೆರ್.
ಭಾರತೀಯ ಮೂಲೊದ ಟ್ವಿಟರ್ ಗಲಕೆದಾರೆರ್ ಹಿಂದೂ ಸಂಸ್ಕೃತಿನ್ ಎಲ್ಯೆ ಮಲ್ತ್ ತೂಪಾಯಿನೆಕ್ ಉಕ್ರೇನ್ ವಿರುದ್ಧ ಪಿಸ್‌ರ್‌ಲಕ್ಕ್‌ದೆರ್.
ಚಿತ್ರೊನು ಪೋಸ್ಟ್ ಮಲ್ತಿನ ಬೆರಿಟೇ ಮಲ್ಲ ಮಟ್ಟ್‌ದ ವಿರೋಧ ಉಂಡಾಯಿನೆರ್ದಾವರ, ಉಕ್ರೇನ್ ರಕ್ಷಣಾ ಇಲಾಖೆ ಅಪಗನೇ ಟ್ವಿಟರ್ ಪೋಸ್ಟ್‌ನ್ ಡಿಲೀಟ್ ಮಲ್ದ್ಂಡ್.