Last updated on April 28th, 2023 at 09:29 am
ದುಷ್ಕರ್ಮಿಲೆನ ದಾಳಿಗ್ ತಿಕ್ಕ್‌ದ್ ಹತ್ಯೆ ಆದಿತ್ತಿನ ಬಿಜೆಪಿ ಕಾರ್ಯಕರ್ತೆ ಸುಳ್ಯದ ಪ್ರವೀಣ್ ನೆಟ್ಟಾರ್ ಮೆರೆಗ್ ಇಲ್ಲ್ ಕಟ್ಟೊಡು ಪನ್ಪಿ ಆಸೆ ಇತ್ತ್ಂಡ್. ಆರ್ ತೀರಿಬೊಕ್ಕ ಇತ್ತೆ ಈ ಆಸೆ ಕೈಕೂಡುದುಂಡು. ಗುರುವಾರದಾನಿ ಪೊಸ ಇಲ್ಲ್ ಇಲ್ಲೊಕ್ಕೆಲ್ ಆಂಡ್. ಇಲ್ಲಗ್ ‘ಪ್ರವೀಣ್’ ಪನ್ದೇ ಪುದರ್ ದೀತೆರ್. ಬಿಜೆಪಿ ಜಿಲ್ಲಾಧ್ಯಕ್ಷೆ ಸುದರ್ಶನ್ ಬೆದ್ರ ಮೇರ್ ಪಾತೆರ್ದ್ ಪಾರ್ಟಿ ಇಲ್ಲ್ ಕಟ್ಟಾದ್ ಕೊರ್ಪ ಪನ್ದ್ ಕೊರ್ತಿನ ಪಾತೆರ ನಡಪಾದ್ ಕೊರುಂಡು ಪನ್ದ್ ಪಂಡೆರ್. ಇಲ್ಲೊಕ್ಕೆಲ್‌ಗ್ ಬಿಜೆಪಿದ ರಾಜ್ಯಾಧ್ಯಕ್ಷೆ ನಳೀನ್ ಕುಮಾರ್ ಕಟೀಲ್ ಬೈದಿತ್ತೆರ್. ಪ್ರವೀಣೆರ್ನ ಬೊಡೆದಿ ನೂತನ ಮೇರ್ ಬಿಜೆಪಿ ಬೊಕ್ಕ ಸಂಘ ಪರಿವಾರೊಲೆಗ್ ಸೊಲ್ಮೆ ಸಂದಾಯೆರ್. ಕರಿನ ವರ್ಸ ಜುಲೈ 26ಕ್ಕ್ ಪ್ರವೀಣೆರೆನ ದುರಂತ ಮರಣ ಆದಿತ್ತ್ಂಡ್.