ಕಾಂಗ್ರೇಸ್ ಸರಕಾರ ಬತ್ತ್ಂಡ್ ತುಳುನು ಅಧಿಕೃತ ಮಲ್ಪರೆ ರೆಡಿ ಉಲ್ಲ, ಯಾನ್ ತುಳುಟೇ ಪ್ರಮಾಣವಚನ ದೆತೊನುವೆ : ಒಡಿಪು ಕಾಂಗ್ರೇಸ್ ಅಭ್ಯರ್ಥಿ ಕಾಂಚನ್

Last updated on April 12th, 2023 at 11:17 am

ಒಡಿಪು ಕ್ಷೇತ್ರದ ಕಾಂಗ್ರೇಸ್ ಅಭ್ಯರ್ಥಿ ಪ್ರಸಾದ್ ರಾಜ್ ಕಾಂಚನ್ ಮೇರ್ ತುಳುನಾಡ ಧ್ವನಿ ಯೂಟ್ಯೂಬ್ ಚಾನೆಲ್‌ಡ್ ಪಾತೆರ್ದ್, ನಮ್ಮ ಮಾತೃಭಾಷೆ ಆಯಿನ ತುಳು ಭಾಷೆನ್ ರಡ್ಡನೇ ಅಧಿಕೃತ ಭಾಷೆಯಾದ್ ಕರ್ನಾಟಕೊಡು ಸ್ವೀಕಾರ ಮಲ್ಪೊಡು. ಈ ನಿಟ್ಟ್ ಡ್ ಒಡಿಪುದ ಜನಕುಲು ಪೂರಾ ಎಂಕ್ ಓಟು ಕೊರ್ದು ಅಜತ್ ವಿಧಾನ ಸಭೆಕ್ ಕಡಪುಡುಂಡ ತುಳು ಭಾಷೆಡೇ ಯಾನ್ ಪ್ರಮಾಣವಚನ ದೆತೊನುವೆ. ಕಾಂಗ್ರೇಸ್ ಸರಕಾರ ಬರ್ಪಿನ ವಿಶೇಷ ಸೂಚನೆ ತೋಜೊಂದುಂಡು, ಈ ಕಾಂಗ್ರೇಸ್ ಸರಕಾರ ಬತ್ತಿನ ಕೂಡಲೇ ಎಂಕುಲು ತುಳು ಭಾಷೆನ್ ಅಧಿಕೃತ ಭಾಷೆಯಾದ್ ಘೋಷಣೆ ಮಲ್ಪರೆ ರೆಡಿ ಉಲ್ಲ ಪನ್ದ್ ಪನೊಂದುಲ್ಲೆಂದ್ ತೆರಿಪಾಯೆರ್.